ശബരിമലയിലെ സ്വർണ്ണം വിറ്റിട്ടാണോ ആഗോള അയ്യപ്പ സംഗമം നടത്തുന്നത്: സണ്ണി ജോസഫ്

കാസർകോട്: (KasargodVartha) ശബരിമലയിലെ സ്വർണ്ണ പാളി വിറ്റിട്ടാണോ ആഗോള അയ്യപ്പ സംഗമം നടത്താനൊരുങ്ങുന്നതെന്ന് കെപിസി പ്രസിഡണ്ട് സണ്ണി ജോസഫ് ചോദിച്ചു. കാസർകോട്ട് മാധ്യമ പ്രവർത്തകരുമായി സംസാരിക്കുകയായിരുന്നു അദ്ദേഹം.

‘ആഗോള അയ്യപ്പ സംഗമം ഒരു തട്ടിപ്പാണ്. യുവതീപ്രവേശനവുമായി ബന്ധപ്പെട്ട് സുപ്രീം കോടതിയിൽ നൽകിയിട്ടുള്ള സത്യവാങ്മൂലം പിൻവലിച്ചിട്ടാണ് ഇവർ സംഗമം നടത്തേണ്ടത്. തിരഞ്ഞെടുപ്പ് അടുത്തപ്പോൾ നടത്തുന്ന വെറും രാഷ്ട്രീയ നാടകമാണിത്,’ സണ്ണി ജോസഫ് ആരോപിച്ചു.

ശബരിമലയുടെ ആചാരങ്ങൾ തകർക്കാൻ ശ്രമിച്ചവർ നടത്തുന്ന ആഗോള അയ്യപ്പ സംഗമം ഒട്ടും ആത്മാർത്ഥതയില്ലാത്തതാണെന്നും അദ്ദേഹം പറഞ്ഞു. സ്വർണ്ണക്കേസിൽ തീരുമാനം വന്നാൽ മാത്രം പ്രതികരിക്കാമെന്നും അദ്ദേഹം വ്യക്തമാക്കി. 

സി പി എം നേതാവ് കെ.ജെ. ഷൈൻ ടീച്ചർക്കെതിരെ നടക്കുന്ന പ്രചരണങ്ങളെക്കുറിച്ചുള്ള ചോദ്യങ്ങളോട് അദ്ദേഹം പ്രതികരിച്ചില്ല.

സണ്ണി ജോസഫിന്റെ ഈ പ്രസ്താവനയെക്കുറിച്ച് നിങ്ങളുടെ അഭിപ്രായം എന്താണ്? കമന്റ് ചെയ്ത് നിങ്ങളുടെ സുഹൃത്തുക്കളുമായി പങ്കുവെക്കൂ.

Article Summary: Sunny Joseph calls Global Ayyappa Sangamam a political drama.

#KeralaPolitics #Sabarimala #AyyappaSangamam #SunnyJoseph #Congress #PoliticalNews