സെന്റ് പയസ് കോളജില്‍ വിദ്യാര്‍ഥികള്‍ വീണ്ടും സമരത്തിലേക്ക്

By Web Desk SreMar 13, 2017, 11:33 IST

രാജപുരം: (www.kasargodvartha.com 13.03.2017) സംഘടനാസ്വാതന്ത്ര്യം അനുവദിക്കണമെന്നാവശ്യപ്പെട്ട് രാജപുരം സെന്റ് പയസ് ടെന്‍ത് കോളജില്‍ വിദ്യാര്‍ഥികള്‍ വീണ്ടും സമരത്തിലേക്ക്. എസ് എഫ് ഐയുടെ നേതൃത്വത്തിലാണ് കോളജില്‍ സമരം നടത്തുന്നത്.

എസ് എഫ് ഐ ജില്ലാസമ്മേളനത്തില്‍ ഇതുസംബന്ധിച്ച തീരുമാനം കൈക്കൊണ്ടു. മുമ്പ് എസ് എഫ് ഐ, കെ എസ് യു, എ ബി വി പി തുടങ്ങിയ സംഘടനകള്‍ കോളജില്‍ ഇതേ ആവശ്യം ഉന്നയിച്ച് സമരം നടത്തിയിരുന്നു. എന്നാല്‍ അധികൃതര്‍ നിലപാട് തിരുത്താത്ത സാഹചര്യത്തിലാണ് എസ് എഫ് ഐ സമരത്തിനിറങ്ങുന്നത്. സമരം കാരണം മുമ്പ് കോളജ് ദിവസങ്ങളോളം അടച്ചിട്ടിരുന്നു.