Accident | ലോറിയും ബൈകും കൂട്ടിയിടിച്ച് ഗുരുതരമായി പരുക്കേറ്റ വിദ്യാർഥി മരിച്ചു
Updated: Apr 26, 2024, 20:38 IST
* കോളജിലേക്ക് പോകുന്നതിനിടയിലാണ് അപകടം സംഭവിച്ചത്
കുമ്പള: (KasargodVartha) ലോറിയും ബൈകും കൂട്ടിയിടിച്ച് ഗുരുതരമായി പരുക്കേറ്റ വിദ്യാർഥി മരിച്ചു. ബംബ്രാണ അണ്ടിത്തടുക്ക നമ്പിടി ഹൗസിലെ ഖാലിദ് - ഫമീദ ദമ്പതികളുടെ മകൻ യൂസഫ് കൈഫ് (19) ആണ് മരിച്ചത്. ഇക്കഴിഞ്ഞ ഏപ്രിൽ രാവിലെ 8.30 മണിയോടെ ഉപ്പള കുക്കാർ ദേശീയ പാതയിലായിരുന്നു അപകടം.
മംഗ്ളൂറിലെ കോളജിൽ വിദ്യാർഥിയായ കൈഫ് ബൈകിൽ കോളജിലേക്ക് പോകുന്നതിനിടയിലാണ് അപകടം സംഭവിച്ചത്. ദേശീയപാത നിർമാണത്തിനായി വെള്ളവുമായി പോവുകയായിരുന്ന ടാങ്കർ ലോറിയുമായി കൂട്ടിയിടിക്കുകയായിരുന്നു.
ഗുരുതരമായി പരുക്കേറ്റ കൈഫ് ദിവസങ്ങളോളം മംഗ്ളൂരിലെ ആശുപത്രിയിൽ ചികിത്സയിലായിരുന്നു. വെള്ളിയാഴ്ച വൈകീട്ടോടെ കാസർകോട്ടെ ആശുപത്രിയിലേക്ക് മാറ്റിയെങ്കിലും മരണം സംഭവിക്കുകയായിരുന്നു. സഹോദരങ്ങൾ: കാശിഫ്, ലിയ, ലിബ.
കാസർകോട് വാർത്തയുടെ ഫെയ്സ്ബുക്ക് പേജിലൂടെ വാർത്തകളോട് നിങ്ങൾക്കും
പ്രതികരിക്കാം. ആരോഗ്യകരമായ ചർച്ചകളെ ഞങ്ങൾ എപ്പോഴും സ്വാഗതം ചെയ്യുന്നു. എന്നാൽ
അസഭ്യം, അശ്ലീലം, മതവിദ്വേഷം എന്നിവ അടങ്ങിയ കമന്റുകൾ ഐടി ആക്ട് പ്രകാരം
കുറ്റകരമാണ്. നിയമനടപടികൾ സ്വീകരിച്ചെന്നുവരാം.
