ഡോക്ടര്‍മാരുടെ പണിമുടക്ക് ഹൃദ് രോഗിയെയും വലച്ചു

കാസര്‍കോട്: ചേര്‍ത്തല സര്‍ക്കാര്‍ ആശുപത്രി സുപ്രണ്ടിനെ അന്യായമായി സ്ഥലം മാറ്റിയതില്‍ പ്രതിഷേധിച്ച് ഡോക്ടര്‍മാര്‍ നടത്തിവന്ന സൂചനാ പണിമുടക്ക് ഹൃദ് രോഗിയേയും വലച്ചു. കടുത്ത നെഞ്ചുവേദനയെതുടര്‍ന്ന് എത്തിയ പെര്‍ള ഉക്കിനടുക്കയിലെ അബ്ദുല്ല (46) യ്ക്കാണ് ഡോക്ടര്‍മാരുടെ പണിമുടക്കുമൂലം ചികിത്സകിട്ടാതെ വലയേണ്ടി വന്നത്.

കാസര്‍കോട്ടെ സ്വകാര്യ ആശുപത്രിയിലാണ് അബ്ദുല്ലയെ ആദ്യം എത്തിച്ചത്. ഇവിടെ മണിക്കൂറുകള്‍ക്കുള്ളില്‍ നടന്ന ചികിത്സയ്ക്ക് 3,000 രൂപയാണ് ബില്ല് വന്നത്. തുടര്‍ ചികിത്സനടത്താന്‍ പണമില്ലാത്തതിനാല്‍ ജനറല്‍ ആശുപത്രിയിലേക്ക് മാറ്റിയെങ്കിലും പണിമുടക്കായതിനാല്‍ അവിടെ ഡോക്ടര്‍മാര്‍ ആരുമുണ്ടായിരുന്നില്ല.

ആശുപത്രിയിലുണ്ടായിരുന്ന സുമനസുകള്‍ പിരിവെടുത്ത് 4,000 രൂപയോളം സ്വരൂപിച്ച് അബ്ദുല്ലയെ പിന്നീട് പരിയാരം മെഡിക്കല്‍ കോളേജിലേക്ക് ആയക്കുകയായിരുന്നു. നിര്‍ദ്ധനരായ ഈ കുടുംബത്തിന് കാരുണ്യ ചികിത്സാസഹായം ലഭിക്കുമെന്ന് ചിലര്‍ അറിയിച്ചതിനെ തുടര്‍ന്നാണ് പരിയാരത്തേക്ക് പോയത്.

Keywords: Kasaragod, Strike, General Hospital, Doctors, Kerala, Patient, Pariyaram, Perla, Ukkinaduka, Abdulla, Kerala News, International News, National News, Gulf News, Health News, Educational News, Business News, Stock news, Gold News.