മകനെ നഷ്ടപ്പെട്ട ദൈനബി ഹജ്ജുമ്മയും ഉപ്പയുടെ വേര്‍പാടുമായി മൂന്ന് മക്കളും

Abdul Azeez

ഉപ്പള: മക്കളുടെ വിദ്യാഭ്യസം, വീടിന്റെ ലോണ്‍, പ്ലസ്ടു കഴിഞ്ഞാല്‍ മകളുടെ കല്ല്യാണം ജമീലയുടെ മുമ്പില്‍ ജീവിതപ്രശ്‌നങ്ങളുടെ നിര നീണ്ടു നില്‍ക്കുന്നു. രണ്ട് വര്‍ഷത്തിന് ശേഷം നാട്ടിലേക്കുള്ള മടക്കയാത്രയിലാണ് ഉപ്പള ഗേറ്റിന് സമീപത്തെ അബ്ദുല്‍ അസീസിനെ വിധി തട്ടിയെടുത്തത്. മംഗലാപുരം വിമാന ദുരന്തത്തില്‍ മരണപ്പെട്ട അബ്ദുല്‍ അസീസിന്റെ കുടുംബം ഇപ്പോഴും അതിന്റെ ആഘാതത്തില്‍ നിന്നും മോചനം നേടിയിട്ടില്ല.
കുടുംബവീട്ടിലാണ് അസീസിന്റെ ഭാര്യ ജമീലയും, മൂന്ന് മക്കളും താമസിക്കുന്നത്. ഭര്‍ത്താവിന്റെ ഉമ്മ ദൈനബി ഹജ്ജുമ്മ കൂടെയുള്ളത് അല്‍പം ആശ്വാസം പകരുന്നു. മകനെ നഷ്ടപ്പെട്ട ഉമ്മയുടെ കണ്ണീരും പ്രിയപ്പെട്ട ഉപ്പയുടെ വേര്‍പാടിന്റെ നൊമ്പരവുമായി കഴിയുന്ന മൂന്ന് മക്കളുടെ സങ്കടങ്ങളും ആരെയും വേദനപ്പെടുന്നു.