ട്രെയിനിന് നേരെ വീണ്ടും കല്ലേറ്

By Web Desk - MainMar 29, 2018, 15:52 IST

കാസര്‍കോട്: (www.kasargodvartha.com 29.03.2018) ട്രെയിനിന് നേരെ വീണ്ടും കല്ലേറ്. വ്യാഴാഴ്ച രാത്രി മൊഗ്രാല്‍ ബ്രിഡ്ജിന് സമീപത്ത് വെച്ച് എഗ്മോര്‍ ട്രെയിനിന് നേരെയാണ് കല്ലേറുണ്ടായത്. ട്രെയിനിന്റെ ഗ്ലാസുകള്‍ തകര്‍ന്നു. ആര്‍ക്കും പരിക്കേറ്റില്ല. വിരമറിഞ്ഞ് മഞ്ചേശ്വരം പോലീസ് സ്ഥലത്തെത്തി അന്വേഷണം ആരംഭിച്ചു. സമീപ പ്രദേശത്ത് നടത്തിയ തിരച്ചിലില്‍ മദ്യപിക്കുകയായിരുന്നു മൂന്നു പേരെ പോലീസ് കസ്റ്റഡിയിലെടുത്തു.

തുടര്‍ന്ന് ചോദ്യം ചെയ്യലില്‍ മദ്യപിക്കുക മാത്രമാണ് ചെയ്തതെന്നും ട്രെിയിനിന് കല്ലെറിഞ്ഞില്ലെന്നും അറിയിച്ചതിനാല്‍ ഇവര്‍ക്കെതിരെ പൊതു സ്ഥലത്ത് മദ്യപിച്ചതിന് കേസെടുത്ത് ജാമ്യത്തില്‍ വിട്ടയച്ചു. നാങ്കി കടപ്പുറത്തെ മുഹമ്മദ് നിസാര്‍ (26) റഫീഖ് (23) അബ്ദുല്‍ മുനീര്‍ (29) എന്നിവരെയാണ് പോലീസ് പൊതുസ്ഥലത്ത് മദ്യപിച്ചതിന് അറസ്റ്റു ചെയ്തത്.