ട്രെയിനിനു നേരെ കല്ലേറ്; പതിച്ചത് ജില്ലാ കോടതി ജീവനക്കാരിയുടെ നെഞ്ചില്‍, ആശുപത്രിയില്‍ പ്രവേശിപ്പിച്ചു

By Web Desk - MainOct 31, 2018, 17:44 IST

കാഞ്ഞങ്ങാട്:(www.kasargodvartha.com 31/10/2018) ട്രെയിനിനു നേരെയുണ്ടായ കല്ലേറില്‍ ജില്ലാ കോടതി ജീവനക്കാരിക്ക് സാരമായി പരിക്കേറ്റു. ജില്ലാ അഡീ. സെഷന്‍സ് (മൂന്ന്) കോടതിയിലെ ജീവനക്കാരി കാലിച്ചാനടുക്കം സ്വദേശിനിയും നീലേശ്വരത്ത് താമസക്കാരിയുമായ ജിന്‍സി ജിഷു (38)വിനാണ് കല്ലേറില്‍ പരിക്കേറ്റത്.

ചൊവ്വാഴ്ച വൈകിട്ട് ജോലി കഴിഞ്ഞ് മംഗളൂരു-കണ്ണൂര്‍ പാസഞ്ചറില്‍ വീട്ടിലേക്ക് മടങ്ങുമ്പോള്‍ ബേക്കല്‍ ഫോര്‍ട്ട് സ്റ്റേഷന്‍ കഴിഞ്ഞ ഉടനെയാണ് ട്രെയിനിനു നേരെ കല്ലേറുണ്ടായത്. കല്ല് ജിന്‍സിയുടെ നെഞ്ചില്‍ പതിക്കുകയും വണ്ടിയില്‍ ബോധരഹിതയായി വീഴുകയും ചെയ്തു. പിന്നീട് നീലേശ്വരം റെയില്‍വേ സ്റ്റേഷനില്‍ എത്തിയ ശേഷം തേജസ്വിനി സഹകരണ ആശുപത്രിയില്‍ പ്രവേശിപ്പിക്കുകയായിരുന്നു.