കെ എസ് ആര്‍ ടി സി ബസിനു നേരെ കല്ലേറ്

By Web Desk - MainJan 13, 2019, 10:35 IST

ഉപ്പള: (www.kasargodvartha.com 13.01.2019) കെ എസ് ആര്‍ ടി സി ബസിനു നേരെ ഉപ്പള ഭഗവതി പെട്രോള്‍ പമ്പിന് സമീപം വെച്ച് കല്ലേറുണ്ടായി. കല്ലേറില്‍ ബസിന്റെ ഗ്ലാസ് തകര്‍ന്നു. ഞായറാഴ്ച പുലര്‍ച്ചെ 5.30 മണിയോടെയാണ് സംഭവം. കാസര്‍കോട് നിന്നും മംഗളൂരു ഭാഗത്തേക്ക് പോവുകയായിരുന്ന കര്‍ണാടക കെ എസ് ആര്‍ ടി സി ബസിനു നേരെയാണ് കല്ലേറുണ്ടായത്.

അക്രമികളെ തിരിച്ചറിഞ്ഞിട്ടില്ല. വിവരമറിഞ്ഞ് പോലീസ് സ്ഥലത്തെത്തി ബസ് സ്‌റ്റേഷനിലേക്ക് മാറ്റി. കല്ലേറ് നടത്തിയവരെ പിടികൂടാന്‍ പോലീസ് അന്വേഷണം ആരംഭിച്ചു.