നുള്ളിപ്പാടിയില്‍ കര്‍ണ്ണാടക പോലീസിനെ കല്ലെറിഞ്ഞ യുവാവ് പിടിയില്‍
Aug 3, 2012, 16:01 IST
വെള്ളിയാഴ്ച ഉച്ചതിരിഞ്ഞ് മൂന്ന് മണിയോടെ നുള്ളിപ്പാടി അയ്യപ്പക്ഷേത്രത്തിനു സമീപമാണ് സംഭവം. ദേശീയ പാതയോട് ചേര്‍ന്നുള്ള ഇടവഴിയില്‍ പതിങ്ങിയിരുന്നാണ് കര്‍ണ്ണാടക പോലീസ് സഞ്ചരിച്ച കര്‍ണ്ണാടക ടാക്‌സി കാറിന് നേര്‍ക്ക് കല്ലെറിഞ്ഞത്. കല്ലേറില്‍ കാറിന്റെ മുന്‍വശത്തെ ഗ്ലാസ് തകര്‍ന്നു. ഷിമോഗയില്‍ നിന്ന് കാഞ്ഞങ്ങാട്ടേക്ക് കേസന്വേഷണത്തിനെത്തിയതായിരുന്നു കര്‍ണ്ണാടക പോലീസ്. അന്വേഷണത്തിനുശേഷം ഷിമോഗയിലേക്ക് മടങ്ങുമ്പോഴാണ് നുള്ളിപ്പാടിയില്‍വെച്ച് കല്ലേറുണ്ടായത്. പിടിയിലായ യുവാവ് കല്ലെറിഞ്ഞ സംഘത്തിലുണ്ടായിരുന്നതായും കൂടെയുണ്ടായിരുന്ന മറ്റ് രണ്ട്‌പേരാണ് കല്ലെറിഞ്ഞതെന്നും കര്‍ണ്ണാടക പോലീസ് ടൗണ്‍ പോലീസിനെ അറിയിച്ചിട്ടുണ്ട്.
കല്ലെറിഞ്ഞ ഉടന്‍ ഓടിയൊളിക്കാന്‍ ശ്രമിച്ച യുവാവ് ഒരു വീട്ടില്‍ കയറി അഭയംതേടാന്‍ ശ്രമിക്കുമ്പോഴാണ് പിന്തുടര്‍ന്നെത്തിയ കര്‍ണ്ണാടക പോലീസ് യുവാവിനെ കൈയ്യോടെ പിടികൂടിയത്. നുള്ളിപ്പാടിയില്‍ വെള്ളിയാഴ്ച രാവിലെ മുതല്‍ സംഘര്‍ഷാവസ്ഥ നിലനില്‍ക്കുകയാണ്. രാവിലെ ഏഴര മണിയോടെ സ്ഥലത്ത് നിര്‍ത്തിയിട്ട പോലീസ് വാനിന് നേര്‍ക്കും അജ്ഞാത സംഘം കല്ലെറിഞ്ഞിരുന്നു.
Keywords: Kasaragod, Nullippady, Karnataka, Police, Stone pelting
Tags
Share this story
