ജില്ലാ ജയിലില്‍ തടവുകാരുടെ നേതൃത്വത്തില്‍ അരിയുണ്ട നിര്‍മ്മാണം ആരംഭിക്കുന്നു

By Web Desk - MainSep 3, 2019, 18:21 IST

കാഞ്ഞങ്ങാട്: (www.kasargodvartha.com 03.09.2019) തോയമ്മലിലെ ജില്ലാ ജയിലില്‍ തടവുകാരുടെ നേതൃത്വത്തില്‍ അരിയുണ്ട നിര്‍മ്മാണം ആരംഭിക്കുന്നു. നിലവില്‍ പേപ്പര്‍ പേന, റോട്ടറി ക്ലബ്ബിന്റെ സഹായത്തോടെ കുട നിര്‍മ്മാണം, സോപ്പ് നിര്‍മ്മാണം എന്നിവ ആരംഭിച്ചിട്ടുണ്ട്. ഇതിന് പിന്നാലെയാണ് വ്യാവസായിക അടിസ്ഥാനത്തില്‍ അരിയുണ്ട നിര്‍മ്മാണം ആരംഭിക്കാന്‍ തീരുമാനിച്ചിരിക്കുന്നത്. തുടക്കത്തില്‍ ജയിലിനകത്തെ ക്യാന്റീനിലാണ് അരിയുണ്ട വിതരണം ചെയ്യുക. പിന്നീട് പൊതുവിപണിയിലും ജയിലില്‍ നിര്‍മ്മിച്ച അരിയുണ്ട വിതരണം ചെയ്യും.

അസി. പ്രിസണ്‍ ഓഫീസര്‍ ഫസലിനാണ് അരിയുണ്ട നിര്‍മ്മാണത്തിന്റെ ചുമതല. സൂപ്രണ്ട് കെ വേണു, അഡി. സൂപ്രണ്ട് എന്‍ ശ്രീനിവാസന്‍ എന്നിവരുടെ നേതൃത്വത്തിലാണ് ജയിലിലെ തടവുകാരെക്കൊണ്ട് ഈ ഉല്‍പ്പന്നങ്ങള്‍ നിര്‍മ്മിക്കുന്നത്. ചീമേനി ജയിലിലെ ജയില്‍ ബിരിയാണിക്കും ചില്ലി ചിക്കനും ചപ്പാത്തിയും വെജിറ്റബിള്‍ കറിക്കും വന്‍ ഡിമാന്റ് ഉണ്ടായതോടെയാണ് മറ്റു ജയിലുകളിലും ഇത്തരത്തില്‍ ഭക്ഷ്യവസ്തുക്കള്‍ ഉണ്ടാക്കാന്‍ തീരുമാനിച്ചത്.