Supply Issue | ഇ-സ്റ്റാമ്പ് പ്രബല്യത്തിൽ വരുന്നത് വരെ മുദ്രക്കടലാസ് ലഭ്യമാക്കണം
● അടിയന്തിരമായി മുദ്രക്കടലാസ് ലഭ്യമാക്കണമെന്ന് വ്യാപാരികൾ
● ഇ-സ്റ്റാമ്പ് സംവിധാനം ഉടൻ നടപ്പാക്കുമെന്ന് അധികൃതർ പ്രഖ്യാപിച്ചിട്ടുണ്ട്.
കാസർകോട്: (KasargodVartha) വിവിധ ആവശ്യങ്ങൾക്ക് മുദ്രക്കടലാസ് ആവശ്യമായി വരുന്നവർക്ക് കാസർകോട് നഗരത്തിൽ നെട്ടോട്ടമോടേണ്ട അവസ്ഥ. മുദ്രക്കടലാസിന് വേണ്ടി നഗരത്തിൽ നിന്ന് നാല് കിലോമീറ്റർ അകലെയുള്ള വിദ്യാനഗർ കളക്ടറേറ്റ് സമുച്ചയത്തിലേക്ക് പോകേണ്ടി വരുന്നു.
ഇ-സ്റ്റാമ്പ് സംവിധാനം ഉടൻ നടപ്പാക്കുമെന്ന സർക്കാർ പ്രഖ്യാപനം ഉണ്ടായിട്ടുണ്ടെങ്കിലും, അത് പ്രാബല്യത്തിൽ വരുന്നതുവരെ നിലവിൽ മുദ്രക്കടലാസ് ലഭ്യമാക്കണമെന്നാണ് കാസർകോട് മർച്ചന്റ്സ് അസോസിയേഷന്റെ ആവശ്യം. കൂടാതെ, ചില വെണ്ടർമാർ മനഃപൂർവ്വം മുദ്രക്കടലാസ് ക്ഷാമം സൃഷ്ടിക്കുന്നുണ്ടോ എന്നും അന്വേഷിക്കണമെന്നും അവർ സഹകരണ രജിസ്ട്രേഷൻ വകുപ്പ് മന്ത്രിയോട് നിവേദനത്തിലൂടെ ആവശ്യപ്പെട്ടു.
സർക്കാർ ഈ പ്രശ്നത്തിൽ ഇടപെട്ട് ഉടൻ തന്നെ പരിഹാരം കാണണമെന്നാണ് വ്യാപാരികളുടെ ആവശ്യം. ഇ-സ്റ്റാമ്പ് സംവിധാനത്തിന്റെ നടപ്പാക്കൽ തീയതിയും വ്യക്തമാക്കണം.
#StampPaper #Kasaragod #EStamp #Merchants #SupplyShortage #LocalNews
