അറിവിന്റെ അഴിത്തല: എസ്എസ്എഫ് സാഹിത്യോത്സവം നീലേശ്വരത്ത്

നീലേശ്വരം: (KasargodVartha) എസ്.എസ്.എഫ് കാഞ്ഞങ്ങാട് ഡിവിഷൻ സാഹിത്യോത്സവം ജൂലൈ 11, 12 തീയതികളിൽ നീലേശ്വരം അഴിത്തലയിൽ നടക്കും. 'വിശപ്പ്' എന്ന പ്രമേയത്തിലാണ് ഇത്തവണ സാഹിത്യോത്സവം സംഘടിപ്പിക്കുന്നതെന്ന് സംഘാടകർ നീലേശ്വരം പ്രസ് ഫോറത്തിൽ വാർത്താ സമ്മേളനത്തിൽ അറിയിച്ചു.

യുദ്ധങ്ങളും സാമൂഹിക അസമത്വങ്ങളും ലോകത്ത് സൃഷ്ടിക്കുന്ന പട്ടിണിയുടെയും അരക്ഷിതാവസ്ഥയുടെയും മാനുഷികതയില്ലാത്ത അവസ്ഥകളെ ഈ സാഹിത്യോത്സവം തുറന്നുകാട്ടും. 

നീലേശ്വരം, കാഞ്ഞങ്ങാട്, അജാനൂർ, പരപ്പ, പാണത്തൂർ, പുഞ്ചാവി എന്നീ അഞ്ച് സെക്ടറുകളിൽ നിന്നായി 600-ൽ അധികം മത്സരാർത്ഥികൾ സാഹിത്യോത്സവത്തിൽ പങ്കെടുക്കും.

എട്ട് വിഭാഗങ്ങളിലായി 150 ഇനങ്ങളിൽ അഞ്ച് വേദികളിലായാണ് മത്സരങ്ങൾ നടക്കുക. പ്രഗത്ഭരായ വിധികർത്താക്കൾ മത്സരങ്ങളുടെ വിധി നിർണയം നടത്തും.

ഉദ്ഘാടന സമ്മേളനം: 

ജൂലൈ 11ന് വൈകുന്നേരം നടക്കുന്ന ഉദ്ഘാടന സംഗമം മാധ്യമപ്രവർത്തകൻ രവീന്ദ്രൻ കൊട്ടോടി ഉദ്ഘാടനം ചെയ്യും. ഡിവിഷൻ പ്രസിഡന്റ് അബ്ദുറഹ്‌മാൻ ശാമിൽ ഇർഫാനി അധ്യക്ഷനാകും. എസ്.എസ്.എഫ് സംസ്ഥാന പ്രവർത്തക സമിതി അംഗം യൂസുഫ് സഖാഫി മൂത്തേടം പ്രമേയപ്രഭാഷണം നടത്തും. 

കേരള മുസ്‌ലിം ജമാഅത്ത് ജില്ലാ സെക്രട്ടറി വി.സി. അബ്ദുല്ല സഅദി, എസ്.എസ്.എഫ് ജില്ലാ സെക്രട്ടറി മുർഷിദ് പുളിക്കൂർ, എസ്.വൈ.എസ് സോൺ സെക്രട്ടറി അബ്ദുല്ല മൗലവി ക്ലായിക്കോട്, അഴിത്തല മഹല്ല് ജമാഅത്ത് പ്രസിഡന്റ് സൈനുദ്ദീൻ ഹാജി, വാർഡ് കൗൺസിലർമാരായ ടി. അബൂബക്കർ, വിനു നിലാവ്, അൻവർ സാദിഖ് എന്നിവർ ആശംസകൾ അർപ്പിക്കും. സ്വാഗതസംഘം ചെയർമാൻ അബ്ദുൽഖാദർ ഹാജി, കൺവീനർ നദീർ അഷ്‌റഫി, സുബൈർ കാരയിൽ, സുബൈർ സഅദി എന്നിവരും സംബന്ധിക്കും.

സമാപന സമ്മേളനം:

ജൂലൈ 12ന് വൈകുന്നേരം ചേരുന്ന സമാപന സംഗമത്തിൽ ഹാജി അബ്ദുൽ അസീസ് ഫൈസി പ്രാർത്ഥന നിർവഹിക്കും. സ്വാഗതസംഘം ചെയർമാൻ അബ്ദുൽഖാദർ ഹാജി അഴിത്തലയുടെ അധ്യക്ഷതയിൽ എസ്.വൈ.എസ് ജില്ലാ സെക്രട്ടറി ശിഹാബ് പാണത്തൂർ ഉദ്ഘാടനം ചെയ്യും. എസ്.എസ്.എഫ് ജില്ലാ സെക്രട്ടറി സകരിയ അഹ്‌സനി അനുമോദന പ്രഭാഷണം നടത്തും. 

കേരള മുസ്‌ലിം ജമാഅത്ത് സോൺ പ്രസിഡന്റ് അബ്ദുൽഹമീദ് മൗലവി, എസ്.വൈ.എസ് സോൺ പ്രസിഡന്റ് മദനീയം അബ്ദുലത്തീഫ് സഖാഫി എന്നിവർ സംസാരിക്കും. സ്വാഗതസംഘം കൺവീനർ നദീർ അഷ്‌റഫി സ്വാഗതം പറയും. 

കേരള മുസ്‌ലിം ജമാഅത്ത് സോൺ സെക്രട്ടറി അബ്ദുസത്താർ പഴയ കടപ്പുറം, എസ്.എം.എ സോൺ പ്രസിഡന്റ് മടിക്കൈ അബ്ദുല്ല ഹാജി, ശിഹാബ് അഹ്‌സനി പാണത്തൂർ എന്നിവരും സമാപന ചടങ്ങിൽ പങ്കെടുക്കും.

ഈ സാഹിത്യോത്സവത്തെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക. 

Article Summary: SSF Kanhangad Division Literary Festival, themed 'Hunger,' is being held on July 11-12 in Nileshwaram, featuring over 600 participants and 150 events across five venues.

#SSF #LiteraryFestival #Nileshwaram #Kanhangad #Literature #KeralaEvents