'ഡോക്ടര്‍മാരുടെ ഒഴിവുകള്‍ നികത്താന്‍ പ്രത്യേക നിയമന പാക്കേജ് നടപ്പിലാക്കും'
May 14, 2012, 16:47 IST
നിലവിലുള്ള 125 അസിസ്റ്റന്റ് സര്‍ജന്മാരെ സ്‌പെഷലിസ്റ്റ് ഡോക്ടര്‍മാരായി പ്രമോട്ട് ചെയ്തിട്ടുണ്ട്. പി എസ് സി ലിസ്റ്റില്‍ 1800 ഡോക്ടര്‍ ഉദ്യോഗാര്‍ത്ഥികളാണുള്ളത്. ഇതില്‍ നിന്നും 200 ഡോക്ടര്‍മാരെ നിയമിക്കാന്‍ മെയ് 22ന് കൗണ്‍സിലിംഗ് നടത്തും.
ജനറല്‍ ആസ്പത്രിയുടെ സ്ഥല സൗകര്യപ്രശ്‌നം പരിഹരിക്കാന്‍ ഒരു കെട്ടിടം കൂടി നിര്‍മ്മിക്കും. ഇതിന് ബജറ്റില്‍ തുക നീക്കിവെച്ചിട്ടുണ്ട്. ആസ്പത്രിയില്‍ റാംപ് സൗകര്യം ഏര്‍പ്പെടുത്താനും നടപടി എടുക്കും. എന്‍ഡോസള്‍ഫാന്‍ പുനരധിവാസ ദുരിതാശ്വാസ പദ്ധതികള്‍ക്കായി 176 കോടി രൂപ ആവശ്യമാണ്. ഇതിന് ആവശ്യമായ പരമാവധി തുക കേന്ദ്രത്തില്‍ നിന്നും ലഭ്യമാക്കാന്‍ നടപടി സ്വീകരിക്കും. പദ്ധതിയെക്കുറിച്ച് സര്‍ക്കാര്‍ ഗൗരവമായി ചര്‍ച്ച നടത്തിയിട്ടുണ്ട്. ഇതിനകം എന്‍ഡോസള്‍ഫാന്‍ മുഖേന മരിച്ച 650 പേര്‍ക്ക് ഒരു ലക്ഷം രൂപ വീതം നല്‍കിയിട്ടുണ്ട്.
മഴക്കാലരോഗങ്ങളും പകര്‍ച്ചവ്യാധികളും തടയാന്‍ സംസ്ഥാനമാകെ 17-ാം തീയ്യതി ശുചിത്വ ദിനമായി ആചരിക്കും. ആരോഗ്യവകുപ്പ്, എന്‍ ആര്‍ എച്ച് എം, തദ്ദേശഭരണ സ്ഥാപനങ്ങള്‍, സന്നദ്ധ സംഘടനകള്‍ തുടങ്ങിയവയുടെ സഹകരണത്തോടെയാണ് പരിപാടി നടപ്പിലാക്കുക. വാര്‍ഡ് തോറും ശുചീകരണപ്രവൃത്തികള്‍ നടത്താന്‍ 25000 രൂപ അനുവദിക്കുമെന്നും മന്ത്രി വ്യക്തമാക്കി.
ജനറല്‍ ആശുപത്രി സന്ദര്‍ശിച്ച മന്ത്രി പ്രസവ വാര്‍ഡ്, സ്ത്രീകളുടെ വാര്‍ഡ്, കുട്ടികളുടെ വാര്‍ഡ്, പേവാര്‍ഡ്, ഐ.സി.യു, ഓപ്പറേഷന്‍ തീയേറ്റര്‍ തുടങ്ങിയവ സന്ദര്‍ശിച്ച് പരിശോധന നടത്തി. മന്ത്രിയോടൊപ്പം എന്‍.എ.നെല്ലിക്കുന്ന് എം.എല്‍.എ, ഡി.എം.ഒ ഇ.രാഘവന്‍, എന്‍.ആര്‍.എച്ച്.എം പ്രോഗ്രം മാനേജര്‍ ഡോ.മുഹമ്മദ് അഷീല്‍, ഡോ. നാരായണ നായക്ക്, പി.ഗംഗാധരന്‍ നായര്‍, ആര്‍.ഗംഗാധരന്‍ തുടങ്ങിയവരും ഉണ്ടായിരുന്നു.
Keywords: Kasaragod, Doctor, Minister S. Shivakumar.
Tags
Share this story
