പ്രകൃതി ദുരന്തങ്ങള്‍ക്ക് കാരണം വര്‍ദ്ധിച്ച് വരുന്ന അനാചാരങ്ങള്‍: സൈനുല്‍ ഉലമ ചെറുശ്ശേരി
Jul 23, 2012, 16:52 IST
 |
ഇ.പി.അബൂബക്കര്‍ അല്‍ ഖാസിമിയുടെ റംസാന്‍ പ്രഭാഷണം സമസ്ത കേരള ജംഇയ്യത്തുല്‍ ഉലമ സംസ്ഥാന സെക്രട്ടറി ചെറുശ്ശേരി സൈനുദ്ധീന്‍ മുസ്ലിയാര് ഉദ്ഘാടനം ചെയ്യുന്നു. |
ഇത്തരം സൂചനകള്‍ ഖുര്‍ആന്‍ വളരെ വ്യക്തമായി നല്‍കിയിട്ടുണ്ടെന്ന് അത് മനസിലാക്കി ജീവിക്കാത്തതിന്റെ പരിണിതഫലമാണ് നാം അനുഭവിക്കുന്നതെന്നും അദ്ദേഹം പറഞ്ഞു. റമളാന്‍ വിശുദ്ധിക്ക് വിജയത്തിന് എന്ന പ്രമേയവുമായി എസ്.കെ.എസ്.എസ്.എഫ് കാസര്‍കോട് ജില്ലാ കമ്മിറ്റിയുടെ റംസാന്‍ കാമ്പയിന്റെ ഭാഗമായി സംഘടിപ്പിക്കുന്ന ഹാഫിള് ഇ.പി.അബൂബക്കര്‍ ഖാസിമി പത്തനാപുരത്തിന്റെ റമളാന്‍ പ്രഭാഷണം കാസര്‍കോട് പുതിയ ബസ്റ്റാന്‍ഡിന് സമീപത്ത് ശഹിദേ മില്ലത്ത് സി.എം.ഉസ്താദ് നഗറില്‍ വെച്ച് ഉല്‍ഘാടനം ചെയ്ത് സംസാരിക്കുകയായിരുന്നു അദ്ദേഹം.
മൂന്ന് ദിവസങ്ങളിലായി രാവിലെ 9 മണി മുതല്‍ ഉച്ചയ്ക്ക് 12.30 വരെ നടക്കുന്ന പ്രഭാഷണം ചൊവ്വാഴ്ച സമാപിക്കും. തിങ്കളാഴ്ച 'ശിഥിലമാകുന്ന കുടുംബ ബന്ധങ്ങള്‍' എന്ന വിഷയവും, ചൊവ്വാഴ്ച 'മുസല്‍മാന്റെ ഒരു ദിവസം' എന്ന വിഷയവും ചര്‍ച്ച ചെയ്യും.
എസ്.കെ.എസ്.എസ്.എഫ്. ജില്ലാ പ്രസിഡണ്ട് ഇബ്രാഹിം ഫൈസി ജെഡിയാര്‍ അധ്യക്ഷതവഹിച്ചു. ജനറല്‍ സെക്രട്ടറി റഷീദ് ബെളിഞ്ചം സ്വാഗതം പറഞ്ഞു. മംഗലാപുരം-കീഴൂര്‍ സംയുക്ത ഖാസി ത്വാഖാ അഹമദ് മുസ്ലിയാര് അല്‍ അസ്ഹരി കൂട്ടുപ്രര്‍ത്തനക്ക് നേതൃതം നല്‍കി. മത-സാമൂഹിക-ജീവകാരുണ്യ പ്രവര്‍ത്തന മേഖലയില്‍ അഭിനന്ദനാര്‍ഹമായ പ്രവര്‍ത്തനം കാഴ്ച്ച വെക്കുന്ന ഖത്തര്‍ ഇബ്രാഹിം ഹാജിയെ സൈനുല്‍ ഉലമ ചെറുശ്ശേരി ആദരിച്ചു.
 |
ഖത്തര്‍ മുഹമ്മദ് ഹാജിക്ക് സമസ്ത ജനറല്‍ സെക്രട്ടറി സൈനുല്‍ ഉലമ ചെറുശ്ശേരി സൈനുദ്ധീന്‍ മുസ്‌ലിയാര്‍ഉപഹാരം നല്‍കുന്നു. |
പ്രമുഖ സൂഫിവര്യന്‍ അത്തിപറ്റ ഉസ്താദ് ശൈഖുനാ മുഹ്ദ്ധീന്‍ കുട്ടി മുസ്ലിയാര് സമാപന കൂട്ടുപ്രര്‍ത്തനക്ക് നേതൃതം നല്‍കും. സയ്യിദ് സൈനുല്‍ ആബിദീന്‍ തങ്ങള്‍ കുന്നുങ്കൈ, സയ്യിദ് എം.എസ്.തങ്ങള്‍ മദനി, എന്‍.എ. അബൂബക്കര്‍, കെ.മൊയ്ദീന്‍ കുട്ടി ഹാജി, മഹമൂദ് ഹാജി തളങ്കര തുടങ്ങിയവര്‍ സംബന്ധിക്കും. ചെര്‍ക്കളം അബ്ദുള്ളയിക്ക് ശംസുല്‍ ഉലമ സ്മാരക അവാര്‍ഡ് നല്‍കും.
Keywords: SKSSF, Cherussery-Sainudheen-Musliyar, Kasaragod, Ramzan Campaign
Tags
Share this story
