മനുഷ്യ ശരീരത്തിൻ്റെ അസ്ഥിഭാഗങ്ങൾ കുളത്തിൽ കണ്ടെത്തി; പൊലീസ് അന്വേഷണം തുടങ്ങി

കാസർകോട്: (KasargodVartha) വിദ്യാനഗർ പൊലീസ് സ്റ്റേഷൻ പരിധിയിൽ വരുന്ന നായന്മാർമൂല പടിഞ്ഞാർമൂലയിലെ ഒരു കുളത്തിൽ നിന്ന് മനുഷ്യ ശരീരത്തിൻ്റെ അസ്ഥിഭാഗങ്ങൾ കണ്ടെത്തി. ഞായറാഴ്ച വൈകീട്ടോടെ കുളത്തിന് സമീപമെത്തിയ നാട്ടുകാരാണ് ആദ്യം അസ്ഥികൂടം കണ്ടത്. ഉടൻ തന്നെ അവർ വിദ്യാനഗർ പോലീസിനെ വിവരമറിയിച്ചു.

വിവരം ലഭിച്ചതിനെ തുടർന്ന് വിദ്യാനഗർ പൊലീസ് സ്ഥലത്തെത്തി പ്രാഥമിക പരിശോധന നടത്തി. പിന്നീട് സി.ഐ യുപി വിപിൻ്റെ നേതൃത്വത്തിൽ പോലീസും ഫോറൻസിക് വിദഗ്ദ്ധരും സംഭവസ്ഥലത്ത് എത്തി വിശദമായ പരിശോധനകൾ നടത്തി.

കണ്ടെത്തിയ അസ്ഥിഭാഗങ്ങൾ തിങ്കളാഴ്ച പരിയാരത്തെ കണ്ണൂർ ഗവ. മെഡിക്കൽ കോളേജിലേക്ക് തുടർ പരിശോധനകൾക്കായി കൈമാറും. മരണപ്പെട്ട വ്യക്തിയെ തിരിച്ചറിയുന്നതിനായി ഡി.എൻ.എ പരിശോധന അടക്കമുള്ള ശാസ്ത്രീയ പരിശോധനകൾ നടത്തുമെന്ന് പോലീസ് അറിയിച്ചു. സംഭവത്തിൽ ദുരൂഹതയുണ്ടോ എന്നതുൾപ്പെടെയുള്ള കാര്യങ്ങൾ പോലീസ് അന്വേഷിച്ച് വരികയാണ്.

ഈ വാർത്തയുടെ പിന്നിലെ സത്യം പുറത്തുവരേണ്ടതുണ്ട്. എല്ലാവരിലേക്കും എത്തിക്കാൻ സഹായിക്കൂ. അജ്ഞാതമായ ഈ മരണം ആരുടേതാണ്? ഈ അന്വേഷണത്തിന് നിങ്ങളുടെ പിന്തുണ അറിയിക്കൂ.

Article Summary: Skeletal remains were discovered in a pond in Kasaragod, prompting a police investigation.

#Kasaragod #CrimeNews #PoliceInvestigation #Kerala #Forensics #KeralaPolice