പാത്രം കൊണ്ടുപോകരുതെന്ന് പറഞ്ഞതിന് സഹോദരിയെ അടിച്ച് തോളെല്ല് തകര്‍ത്തു

കാസര്‍കോട്: വീട്ടില്‍ നിന്നും പാത്രം കൊണ്ടു പോകരുതെന്ന് പറഞ്ഞതിന് സഹോദരിയെ സഹോദരന്‍ അടിച്ച് തോളെല്ല് തകര്‍ത്തു. ആദൂര്‍ മഞ്ഞംപാറ കൊളത്തൂര്‍ ഹൗസില്‍ ഓടക്കാട് മുക്രി മമ്മുവിന്റെ മകള്‍ ഒ.കെ ആഇശയെ (32) യാണ് സഹോദരന്‍ മര്‍ദിച്ച് തോളെല്ല് തകര്‍ത്തത്. പരിക്കേറ്റ ആഇശയെ കാസര്‍കോട് ജനറല്‍ ആശുപത്രിയില്‍ പ്രവേശിപ്പിച്ചു.

മാതാവിനോടൊപ്പം സ്വന്തം വീട്ടിലാണ് ഇവര്‍ താമസിക്കുന്നത്. ഇതിനിടയില്‍ മാതാവിനെ സഹോദരന്‍ വീട്ടിലേക്ക് കൊണ്ടു പോവുകയും ഭാര്യയെ സഹോദരിക്കൊപ്പം താമസിപ്പിക്കുകയും ചെയ്തു. ഇതിനിടയിലാണ് വീട്ടിലെ പാത്രങ്ങള്‍ സഹോദരന്‍ കൊണ്ടു പോകാന്‍ ശ്രമിച്ചത്. ഇത് ചോദിച്ചതിന്റെ പേരിലാണ് ആഇശയെ അടിച്ച് പരിക്കേല്‍പിച്ചത്. ആഇശയുടെ ഭര്‍ത്താവ് ഇവരുമായി അകന്ന് കഴിയുകയാണ്.

ആരുമില്ലാത്ത തനിക്ക് പുതിയ പാത്രങ്ങള്‍ വാങ്ങാന്‍ കഴിവില്ലെന്നാണ് ആഇശ പറയുന്നത്. സഹോദരന്റെ മര്‍ദനത്തെതുടര്‍ന്ന് പാത്രങ്ങള്‍ സഹോദരന്റെ വീട്ടിലെത്തിച്ചതായും ആഇശ പറഞ്ഞു.