റോഡ് തടസപ്പെടുത്തുന്നത് തടയാനെത്തിയ എസ് ഐയെയും പോലീസുകാരെയും ആക്രമിച്ചു

By Web Desk SreMar 22, 2017, 10:15 IST

ബദിയടുക്ക: (www.kasargodvartha.com 22.03.2017) റോഡ് തടസപ്പെടുത്തുന്നത് തടയാനെത്തിയ എസ് ഐയെയും പോലീസുകാരെയും ആക്രമിച്ചു. ബദിയടുക്ക മാവിനക്കട്ടയില്‍ ചൊവ്വാഴ്ച വൈകുന്നേരമാണ് സംഭവം. മാവിനക്കട്ടയില്‍ ഹര്‍ത്താലനുകൂലികള്‍ റോഡ് തടസപ്പെടുത്തുന്നതറിഞ്ഞ് എത്തിയ ബദിയടുക്ക എസ് ഐ എ ദാമോദരന്റെ നേതൃത്വത്തിലുള്ള പോലീസ് സംഘത്തിന് നേരെയാണ് അക്രമമുണ്ടായത്.

വാഹനം തടയുകയായിരുന്നവരെ പോലീസ് പിന്തിരിപ്പിക്കാന്‍ ശ്രമിക്കുമ്പോള്‍ വാക്കുതര്‍ക്കമുണ്ടാവുകയും പോലീസിന്റെ കൃത്യനിര്‍വഹണം തടസപ്പെടുത്തുകയും ചെയ്തുവെന്നാണ് പരാതി. സംഭവത്തില്‍ പോലീസ് കേസെടുത്ത് അന്വേഷണം തുടങ്ങി.