ക­ത്തി­ക്കുന്ന­ത് ഒരു ബള്‍­ബ്; അ­ബ്ദുല്ല­യ്­ക്ക് 9,500 രൂ­പ­യു­ടെ ഷോക്ക്

കാസര്‍­കോട്: തള­ങ്ക­ര ഗ­സാ­ലി ന­ഗര്‍ പ­ട്ടേല്‍ റോ­ഡി­ലെ എം.ജി. അ­ബ്ദുല്ല­യു­ടെ വീ­ട്ടില്‍ ആ­കെ ക­ത്തി­ക്കുന്ന­ത് ഒ­രു ബള്‍­ബ് മാ­ത്ര­മാണ്. ഇ­ദ്ദേ­ഹ­ത്തി­ന് ഈ മാസ­ത്തെ കറ­ണ്ട് ബില്ല് ല­ഭി­ച്ച­താകട്ടെ 9,453 ­രൂ­പ­യു­ടേയും. ബില്ല് കി­ട്ടി­യ­തി­ന്റെ ഷോ­ക്കില്‍ നിന്നും ഇ­നിയും അ­ബ്ദു­ല്ല മോ­ചി­ത­നാ­യി­ട്ടില്ല.

ഇ­ദ്ദേ­ഹ­ത്തി­ന്റെ മ­രിച്ചു­പോയ സ­ഹോ­ദ­രന്‍ മു­ഹ­മ്മ­ദി­ന്റെ പേ­രി­ലു­ള്ള 8777 കണ്‍­സ്യൂ­മര്‍ ന­മ്പ­റില്‍ പെ­ട്ട വീ­ടി­നാ­ണ് ഇ­ത്രയും വലി­യ തു­ക­യു­ടെ കറ­ണ്ട് ബില്ല് ല­ഭി­ച്ചത്. അ­വി­വാ­ഹി­തനാ­യ അ­ബ്ദുല്ലയും സ­ഹോ­ദ­രി­യു­മാ­യി­രുന്നു ഈ വീ­ട്ടില്‍ താ­മസം. ഒ­രു മാ­സം മു­മ്പ് സ­ഹോദ­രി മ­രി­ച്ച­തി­ന്റെ ഷോ­ക്കില്‍ നിന്നും മു­ക്ത­നാ­കു­ന്ന­തി­നു മു­മ്പാ­ണ് അ­ബ്ദുല്ല­യ്­ക്ക് വൈ­ദ്യു­തി ബോര്‍­ഡി­ന്റെ ഷോ­ക്ക് ല­ഭി­ച്ചത്.

സാ­ധാ­ര­ണ 85 രൂ­പ­യു­ടെ മി­നി­മം ചാര്‍­ജി­നു­ള്ള ബില്ലാ­ണ് ല­ഭി­ച്ച് കൊ­ണ്ടി­രു­ന്നത്. ഇ­രുപ­ത് യൂ­നി­റ്റിന് താ­ഴെ പോലും ഉ­പ­ഭോ­ഗം ഇ­തി­നു മു­മ്പു­ണ്ടാ­യി­ട്ടില്ല. എ­ന്നാല്‍ ഇ­ത്ത­വ­ണ 1814 യൂ­നി­റ്റ് വൈ­ദ്യു­തി ഉ­പ­യോ­ഗി­ച്ച­താ­യാ­ണ് ബോര്‍­ഡി­ന്റെ ക­ണ്ടെത്തല്‍. നി­ത്യ­വൃ­ത്തിക്ക്­ പോലും വ­ഴി­യില്ലാ­ത്ത അ­വ­സ്ഥ­യില്‍ കൈ­യ്യില്‍ കി­ട്ടി­യ ബില്ല് നോ­ക്കി ക­ണ്ണീര്‍ വാര്‍­ക്കു­ക­യാ­ണ് ഏ­കനാ­യ അ­ബ്ദുല്ല.

ഒ­രാള്‍ മാത്രം താ­മ­സി­ക്കു­ന്ന ഈ വീ­ട്ടില്‍ എങ്ങ­നെ ഇ­ത്രയും വലി­യ തു­ക­യു­ടെ ബില്ല് നല്‍­കി­യ­തെ­ന്ന് ചോ­ദി­ച്ച­പ്പോള്‍ അ­ധി­കൃ­തര്‍­ക്ക് ഉ­ത്ത­ര­മില്ല. മീ­റ്റ­റി­ന് സം­ഭ­വി­ച്ച ത­ക­രാ­റാ­യി­രിക്കാം ഇ­തി­ന് കാ­ര­ണ­മെ­ന്നാ­ണ് അ­നു­മാ­നി­ക്കു­ന്നത്. മീ­റ്റര്‍ പ­തുക്കെ­യാ­ണ് ന­ട­ക്കു­ന്ന­തെ­ന്ന് മീ­റ്റര്‍ റീ­ഡര്‍ എ­ഴു­തി­ച്ചേര്‍­ത്തി­ട്ടുണ്ട്. മീ­റ്റര്‍ പ­തു­ക്കെ ന­ട­ന്നാല്‍ ബില്ല് കൂ­ടു­മെ­ന്നു­ള്ള ക­ണ്ടെ­ത്ത­ലാ­ണ് മ­ഹാ­ശ്ച­ര്യം.