കാര്യങ്കോട് പുഴയില്‍ മരിച്ച നിലയില്‍ കണ്ടെത്തിയ ടി വി ശാലിനിയുടെ ആത്മഹത്യാ കുറിപ്പ് ലഭിച്ചു

നീലേശ്വരം: (www.kasargodvartha.com 25/11/2017) കാര്യങ്കോട് പുഴയില്‍ മരിച്ച നിലയില്‍ കണ്ടെത്തിയ ടി വി ശാലിനിയുടെ ആത്മഹത്യാ കുറിപ്പ് ലഭിച്ചു. സൈനികനായ ഒരു യുവാവുമായി പെണ്‍കുട്ടിക്ക് മൊബൈല്‍ ഫോണിലൂടെ അടുപ്പമുണ്ടായിരുന്നു. ദീര്‍ഘകാലമായി ഇവര്‍ ഫോണില്‍ സംസാരിക്കാറുണ്ടായിരുന്നുവെന്നും വവവിരമുണ്ട്. എന്നാല്‍ അടുത്തിടെ ബന്ധത്തില്‍ നിന്നും യുവാവ് പിന്മാറിയതാണ് ശാലിനിയെ ആത്മഹത്യക്ക് പ്രേരിപ്പിച്ചതെന്ന് കുറിപ്പില്‍ പറയുന്നു.


തുടര്‍ച്ചയായി ഫോണ്‍വിളി ഇല്ലാത്തതിനെ തുടര്‍ന്ന് പെണ്‍കുട്ടി അന്വേഷിച്ചപ്പോള്‍ യുവാവ് അവധി കഴിഞ്ഞ് ജോലി സ്ഥലത്തേക്ക് തിരിച്ചുപോയതായി മനസിലാക്കി. ഈ നൈരാശ്യമാണത്രെ ആത്മഹത്യക്ക് പ്രേരിപ്പിച്ചത്. വെള്ളിയാഴ്ച നീലേശ്വരം പോലീസ് ഇന്‍ക്വസ്റ്റ് നടത്തിയ ശേഷം മൃതദേഹം പരിയാരം മെഡിക്കല്‍ കോളജ് ആശുപത്രിയില്‍ പോസ്റ്റുമോര്‍ട്ടം നടത്തി. തുടര്‍ന്ന് വൈകുന്നേരത്തോടെ നാട്ടിലെത്തിച്ച് കാര്യങ്കോട്ടെ പൊതുശ്മശാനത്തില്‍ സംസ്‌കരിച്ചു.

പടന്നക്കാട് നെഹ്റു കോളജിലെ ചരിത്ര വിദ്യാര്‍ത്ഥിനിയായിരുന്ന ശാലിനി കാര്യങ്കോട്ടെ പ്രഭാകരന്‍ - തൈവളപ്പില്‍ ശാന്ത ദമ്പതികളുടെ മകളാണ്. വ്യാഴാഴ്ച രാത്രി ഉറങ്ങാന്‍ കിടന്ന ശാലിനിയെ രാവിലെ കാണാത്തതിനെ തുടര്‍ന്ന് ബന്ധുക്കളും നാട്ടുകാരും നടത്തിയ അന്വേഷണത്തിനൊടുവിലാണ് വീടിനടുത്ത പുഴയരികില്‍ മൃതദേഹം കാണപ്പെട്ടത്.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം 😊)

Keywords: Kerala, Nileshwaram, news, River, Death, suicide, Suicide Note, Found, Student, Dead Body,