രാത്രിയുടെ മറവിൽ മലിനജലം: ബദിയടുക്കയിൽ പഞ്ചായത്ത് ഓഫീസിന് സമീപം ദുർഗന്ധം; അധികൃതർക്ക് മൗനം

ബദിയടുക്ക: (KasargodVartha) അപ്പർ ബസാറിൽ കെട്ടിടത്തിലെ മലിനജലം പൊതുസ്ഥലത്തേക്ക് ഒഴുക്കിവിടുന്നത് പതിവായതോടെ നാട്ടുകാർ പ്രതിഷേധവുമായി രംഗത്ത്. 

ടൗണിന്റെ ഹൃദയഭാഗത്ത് സ്ഥിതി ചെയ്യുന്ന കെട്ടിടത്തിൽ നിന്നുള്ള മലിനജലം ആഴ്ചയിൽ രണ്ടുതവണ രാത്രിയിൽ ടാങ്കിൽ നിന്ന് പൈപ്പ് ഉപയോഗിച്ച് ചെർക്കള-കല്ലടുക്ക റോഡിലേക്ക് തുറന്നുവിടുന്നു എന്നാണ് പരാതി. 

വർഷങ്ങളായി ഇത് തുടരുന്നുവെന്നും സമീപവാസികൾ പറയുന്നു. പഞ്ചായത്ത് ഓഫീസും ഉദ്യോഗസ്ഥരുടെ താമസസ്ഥലവും അടുത്തായിരുന്നിട്ടും ദുർഗന്ധം കാരണം മൂക്കുപൊത്താതെ വഴിനടക്കാൻ പോലും സാധിക്കുന്നില്ലെന്ന് നാട്ടുകാർ കുറ്റപ്പെടുത്തുന്നു.

ശക്തമായ പ്രതിഷേധത്തെ തുടർന്ന് കാസർകോട് ജെ.ഡി ഓഫീസിലെ (ഐ.വി.ഒ) ഇന്റലിജൻസ് വിഭാഗവും ബദിയടുക്ക സി.എച്ച്.സിയിലെ ആരോഗ്യവകുപ്പും സ്ഥലത്തെത്തി റിപ്പോർട്ട് തയ്യാറാക്കിയിട്ടുണ്ട്. 

എന്നാൽ, മൂക്കിന് താഴെയുള്ള പഞ്ചായത്തും ആരോഗ്യവകുപ്പും നടപടിയെടുക്കാതെ ഒഴിഞ്ഞുമാറുകയാണെന്നാണ് നാട്ടുകാരുടെ പ്രധാന പരാതി. അപ്പർ ബസാർ സർക്കാർ ആരോഗ്യ കേന്ദ്രത്തിലേക്കുള്ള റോഡിന് എതിർവശത്തുള്ള കെട്ടിടത്തിൽ നിന്നാണ് മലിനജലം പൊതുവഴിയിലേക്ക് ഒഴുക്കുന്നത്.

ബദിയടുക്കയിലെ ഈ ഗുരുതരമായ പ്രശ്നത്തെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കുക.

Summary: Residents of Badiyadukka protest against the regular discharge of sewage from a building into a public area near the Panchayat office. Despite complaints and a health department report, authorities have allegedly taken no action, causing severe odor issues.

#Badiyadukka, #SewageDischarge, #PublicHealth, #LocalNews, #Protest, #Kasaragod