കടല്‍ക്ഷോഭം; 3 വീടുകള്‍ തകര്‍ന്നു

By Web Desk SNDec 2, 2017, 11:36 IST

ഉപ്പള: (www.kasargodvartha.com 02.12.2017) ഉപ്പള മുസോടിയിലുണ്ടായ കടല്‍ക്ഷോഭത്തില്‍ മൂന്ന് വീടുകള്‍ തകര്‍ന്നു. മൂസോടിയിലെ അബ്ദുല്‍ ഖാദര്‍, ഇബ്രാഹിം, അബ്ദുല്‍ ഖാദര്‍ എന്നിവരുടെ വീടുകളാണ് തകര്‍ന്നത്. വെള്ളിയാഴ്ച രാത്രി എട്ടു മണിയോടെയാണ് ശക്തമായ കടല്‍ക്ഷോഭമുണ്ടായത്. വീടുകള്‍ പൂര്‍ണമായും തകര്‍ന്നിട്ടുണ്ട്.

കുടുംബങ്ങളെ ബന്ധുവീടുകളിലേക്ക് മാറ്റിപ്പാര്‍പ്പിച്ചിട്ടുണ്ട്. വീട്ടിനുള്ളിലുണ്ടായിരുന്ന ഇല്‌ക്ട്രോണിക്‌സ് ഉപകരണങ്ങളടക്കമുള്ള സാധനങ്ങള്‍ നശിച്ചു. വിവരമറിഞ്ഞ് വില്ലേജ് അധികൃതര്‍ സ്ഥലത്തെത്തി. മംഗല്‍പാടി പഞ്ചായത്ത് പ്രസിഡണ്ട് ഷാഹുല്‍ ഹമീദ്, സ്റ്റാന്‍ഡിംഗ് കമ്മിറ്റി ചെയര്‍മാന്‍ അബ്ദുര്‍ റസാഖ്, കെ.എസ്.ഇ.ബി. അധികൃതര്‍ തുടങ്ങിയവരും സ്ഥലത്തെത്തിയിരുന്നു.