ഓവര്‍ടേക്ക് ചെയ്യുന്നതിനിടെ കാറിലിടിച്ച് സ്‌കൂട്ടര്‍ യാത്രക്കാരന് ഗുരുതരം

By Web Desk - MainAug 25, 2018, 19:07 IST

തളങ്കര: (www.kasargodvartha.com 25.08.2018) ഓവര്‍ടേക്ക് ചെയ്യുന്നതിനിടെ കാറിലിടിച്ച് സ്‌കൂട്ടര്‍ യാത്രക്കാരന് ഗുരുതരമായി പരിക്കേറ്റു. ശനിയാഴ്ച വൈകിട്ട് 3.15 മണിയോടെ തളങ്കര 30-ാം മൈലിലാണ് അപകടമുണ്ടായത്. സിനാന്‍ (18)എന്ന യുവാവിനാണ് ഗുരുതരമായി പരിക്കേറ്റത്. സിനാനെ ഓടിക്കൂടിയവര്‍ ആശുപത്രിയില്‍ പ്രവേശിപ്പിച്ചു.

സിനാന്‍ ഓടിച്ചിരുന്ന സ്‌കൂട്ടര്‍ മറ്റൊരു വാഹനത്തെ ഓവര്‍ടേക്ക് ചെയ്യുന്നതിനിടെ എതിരെ നിന്നും വരികയായിരുന്ന സ്വിഫ്റ്റ് കാറിലിടിക്കുകയായിരുന്നു. ഇടിയുടെ ആഘാതത്തില്‍ സ്‌കൂട്ടര്‍ പൂര്‍ണമായും തകര്‍ന്നു.