കൂട്ടുകാരോടൊപ്പം പുഴയില്‍ കുളിക്കാനിറങ്ങിയ പ്ലസ് ടു വിദ്യാര്‍ത്ഥിയെ കാണാതായി;ഫയര്‍ഫോഴ്‌സും നാട്ടുകാരും തിരച്ചില്‍ തുടരുന്നു

By Web Desk SUMay 3, 2020, 16:12 IST

കാഞ്ഞങ്ങാട്: (www.kasargodvartha.com 03.05.2020) കൂട്ടുകാരോടൊപ്പം പുഴയില്‍ കുളിക്കാനിറങ്ങിയ പ്ലസ് ടു വിദ്യാര്‍ത്ഥിയെ കാണാതായി. വിദ്യാര്‍ത്ഥിയെ കണ്ടെത്താന്‍ ഫയര്‍ഫോഴ്‌സും നാട്ടുകാരും തിരച്ചില്‍ തുടരുന്നു.ഞായറാഴ്ച വൈകീട്ട് 3.30 മണിയോടെ അരയി പാലത്തിന് സമീപമാണ് സംഭവം.

അരയി കടവിലെ രാജന്‍ - ബിന്ദു ദമ്പതികളുടെ മകന്‍ ഋതിന്‍ രാജ് എന്ന ലാലു (17) വിനെയാണ് കാണാതായത്. മറ്റ് രണ്ട് കൂട്ടുകാരോടൊപ്പം കുളിക്കാനിറങ്ങിയ ലാലു മുങ്ങി താഴുകയായിരുന്നു. ഒപ്പമുണ്ടായിരുന്നവര്‍ നാട്ടുകാരെയും ഫയര്‍ഫോഴ്‌സിനെയും വിവരമറിയിച്ചതനുസരിച്ചാണ് തിരച്ചില്‍ തുടങ്ങിയത്.