city-gold-ad-for-blogger
Aster MIMS 10/10/2023
Aster MIMS 10/10/2023

മണല്‍ ക്ഷാമം, ഒത്തുകളി അവസാനിപ്പിക്കണം: എസ്.ടി.യു

മണല്‍ ക്ഷാമം, ഒത്തുകളി അവസാനിപ്പിക്കണം: എസ്.ടി.യു
കാസര്‍കോട്: ജില്ലയിലെ രൂക്ഷമായ മണല്‍ ക്ഷാമം മൂലം നിര്‍മ്മാണ പ്രവര്‍ത്തനങ്ങള്‍ പൂര്‍ണമായും തടസ്സപ്പെട്ട സാഹചര്യത്തില്‍ നിര്‍മ്മാണ മേഖലയിലെയും മണല്‍ മേഖലയിലെയും തൊഴിലാളികള്‍ പട്ടിണിയിലാണെന്നും ജില്ലാ ഭരണകൂടവും മണല്‍ മാഫിയകളും തമ്മിലുള്ള ഒത്തുകളി അവസാനിപ്പിച്ച് മണല്‍ ലഭ്യത ഉറപ്പുവരുത്തണമെന്നും എസ്.ടി.യു. ജില്ലാ ജനറല്‍ സെക്രട്ടറി കെ.പി. മുഹമ്മദ് അഷ്‌റഫ് ആവശ്യപ്പെട്ടു.

ജില്ലാ ഭരണകൂടം നടപ്പിലാക്കിയ ഇ-മണല്‍ സംവിധാനം നിലവില്‍ വന്നതോടെയാണ് മണലിന് ക്ഷാമവും വിലവര്‍ദ്ധനവുമുണ്ടായത്. ഇത് മണല്‍ മാഫിയകളും ജില്ലാ ഭരണകൂടവും തമ്മിലുള്ള ഒത്തുകളിയുടെ ഭാഗമാണെന്ന് സംശയിക്കുന്നു. മണലിന് കൃത്രിമ ക്ഷാമം സൃഷ്ടിച്ച് ആയിരക്കണക്കിന് തൊഴിലാളികളെ പട്ടിണിക്കിടുന്നതും നിര്‍മ്മാണ പ്രവര്‍ത്തനങ്ങള്‍ തടസ്സപ്പെടുത്തുന്നതും അംഗീകരിക്കാന്‍ കഴിയില്ല. ആവശ്യാനുസരണം മണല്‍ ലഭ്യത ഉറപ്പുവരുത്തുന്നതിനും തൊഴിലാളികളുടെ ജോലി സംരക്ഷിക്കുന്നതിനും നിര്‍മ്മാണ പ്രവര്‍ത്തനങ്ങള്‍ പൂന:സ്ഥാപിക്കുന്നതിനും അടിയന്തിര നടപടികള്‍ സ്വീകരിക്കണമെന്ന് അദ്ദേഹം ആവശ്യപ്പെട്ടു.

Keywords: Kasaragod, STU, K.P Mohammed Ashraf.

Tags

Share this story

google news
Aster mims 04/11/2022
Local News
Kasargodvartha android application
UNITED MEDICAL CENTER 01/02/2022
SWISS-TOWER 24/07/2023
wellfitindia