സ്‌കൂള്‍ കെട്ടിടത്തില്‍ കാവിക്കൊടി: പി ടി എ യോഗം ചേര്‍ന്നു, സ്‌കൂളില്‍ രാഷ്ട്രീയ പ്രവര്‍ത്തനം പാടില്ലെന്ന് നിര്‍ദേശം, ഉണ്ടായാല്‍ കര്‍ശന നടപടി സ്വീകരിക്കാന്‍ തീരുമാനം, സ്‌കൂള്‍ കെട്ടിടത്തിന്റെ ചുമരുകള്‍ വികൃതമാക്കിയ വിദ്യാര്‍ത്ഥികളെ കൊണ്ട് തന്നെ പെയിന്റടിച്ച് വൃത്തിയാക്കിച്ചു

മഞ്ചേശ്വരം: (www.kasargodvartha.com 20.12.2018) സ്‌കൂള്‍ കെട്ടിടത്തില്‍ കാവിക്കൊടി കെട്ടിയ സംഭവത്തിനു പിന്നാലെ സ്‌കൂളില്‍ പി ടി എ കമ്മിറ്റി യോഗം ചേര്‍ന്നു. സ്‌കൂളില്‍ രാഷ്ട്രീയ പ്രവര്‍ത്തനം പാടില്ലെന്നും അങ്ങനെയുണ്ടായാല്‍ കര്‍ശന നടപടി സ്വീകരിക്കാനും യോഗത്തില്‍ തീരുമാനമായതായി പി ടി എ കമ്മിറ്റി ഭാരവാഹികള്‍ അറിയിച്ചു. അതേസമയം സ്‌കൂള്‍ കെട്ടിടത്തിന്റെ ചുമരുകളില്‍ ബി ജെ പി, ബജ്‌റംഗ്ദള്‍, സംഘ്പരിവാര്‍ എന്നൊക്കെ എഴുതിവെച്ച് വികൃതമാക്കിയ വിദ്യാര്‍ത്ഥികളെ കൊണ്ട് തന്നെ അവ പെയിന്റടിച്ച് വൃത്തിയാക്കിച്ചു.

കഴിഞ്ഞ ദിവസമാണ് മംഗല്‍പാടി ജി വി എച്ച് എസ് എസ് ജനപ്രിയ സ്‌കൂള്‍ കെട്ടിടത്തില്‍ കാവിക്കൊട്ടി കെട്ടിയതായി കണ്ടെത്തിയത്. പ്രതിഷേധം ഉയര്‍ന്നതോടെ നാട്ടുകാര്‍ നല്‍കിയ വിവരത്തിന്റെ അടിസ്ഥാനത്തില്‍ മഞ്ചേശ്വരം എസ് ഐ ഷാജിയുടെ നേതൃത്വത്തിലുള്ള പോലീസ് സംഘം സ്ഥലത്തെത്തി കൊടി നീക്കം ചെയ്തിരുന്നു.

Related News:
സ്‌കൂള്‍ കെട്ടിടത്തില്‍ കാവിക്കൊടി; നാട്ടുകാരില്‍ പ്രതിഷേധം, പോലീസെത്തി നീക്കം ചെയ്തു

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം 😊)

Keywords: Sanghparivar flag in School building; PTA meeting conducted, Kasaragod, News, Flag, Manjeshwaram.