സന്ധ്യയുടെ മരണം: ഫോറന്‍സിക് വിദഗ്ധര്‍ വീട്ടിലെത്തി ശാസ്ത്രീയ പരിശോധന നടത്തി

വെള്ളരിക്കുണ്ട്: കൂലിത്തൊഴിലാളി പരപ്പ കനകപ്പള്ളി തട്ടിലെ താഴത്ത് മധുവിന്റെ ഭാര്യ കൊന്നക്കാട് ചിരമ്പക്കാട്ട് എളേരി വീട്ടില്‍ സന്ധ്യ(30) തീപൊള്ളലേറ്റ് മരിച്ച സംഭവവുമായി ബന്ധപ്പെട്ട് കൂടുതല്‍ തെളിവുകള്‍ ശേഖരിക്കാനും ശാസ്ത്രീയ പരിശോധന നടത്താനും കണ്ണൂര്‍ ഫോറന്‍സിക്ക് സയന്‍സ് ലാബോറട്ടറിയിലെ അസിസ്റ്റന്റ് ഡയറക്ടര്‍ ദീപേഷിന്റെ നേതൃത്വത്തിലുള്ള വിദഗ്ധ സംഘം വെള്ളിയാഴ്ച രാവിലെ കനകപ്പള്ളിയിലെത്തി.

സന്ധ്യ ദേഹത്ത് മണ്ണെണ്ണ ഒഴിച്ച് തീ കൊളുത്തിയ കനകപ്പള്ളിയിലെ മറിയക്കുട്ടിയുടെ ഉടമസ്ഥതയിലുള്ള വാടക വീട്ടിലെ കിടപ്പുമുറിയില്‍ നിന്നും ദേഹമാസകലം പൊള്ളലേറ്റ് സന്ധ്യ വീണുകിടന്ന വീട്ടുമുറ്റത്ത് നിന്നും മറ്റും സംഘം തെളിവുകള്‍ ശേഖരിച്ചു.

സന്ധ്യയെ ഭര്‍ത്താവ് മധു ജൂണ്‍ 30 ന് രാത്രി പത്തര മണിയോടെ ദേഹത്ത് മണ്ണെണ്ണ ഒഴിച്ച് തീ കൊളുത്തി കൊലപ്പെടുത്തുകയായിരുന്നുവെന്ന വ്യക്തമായ സൂചനകള്‍ പുറത്തുവന്ന പശ്ചാത്തലത്തിലാണ് കേസന്വേഷണം നടത്തുന്ന കാഞ്ഞങ്ങാട് ഡിവൈഎസ്പി മാത്യു എക്‌സലിന്റെ നേതൃത്വത്തിലുള്ള പോലീസ് സംഘം ശാസ്ത്രീയ പരിശോധനയ്ക്ക് കണ്ണൂരിലെ ഫോറന്‍സിക്ക് സയന്‍സ് ലാബോറട്ടറിയിലെ വിദഗ്ധരുടെ സഹായം തേടിയത്.

Keywords: Kerala, Vellarikund, Sandhya, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.