റോഡരികില്‍ സൂക്ഷിച്ച 3 ലക്ഷം രൂപ വിലവരുന്ന തേക്കിന്‍തടികള്‍ പിടികൂടി

By Web Desk - MainNov 21, 2019, 10:50 IST

രാജപുരം: (www.kasargodvartha.com 21.11.2019) റോഡരികില്‍ സൂക്ഷിച്ച മൂന്ന് ലക്ഷം രൂപ വിലവരുന്ന തേക്കിന്‍തടികള്‍ പിടികൂടി. ഇരിയയില്‍ റോഡരികില്‍ സൂക്ഷിച്ചിരുന്ന 15 കഷ്ണം തടികളാണ് കാസര്‍കോട് ഫ്‌ളൈയിംഗ് സ്‌ക്വാഡ് റേഞ്ച് ഓഫീസര്‍ എം കെ നാരായണന്റെ നേതൃത്വത്തില്‍ പിടികൂടിയത്. പ്രതികളെയും വാഹനവും കണ്ടെത്തുന്നതിനായി കേസ് കാഞ്ഞങ്ങാട് റേഞ്ചിന് കൈമാറി.

ബീറ്റ് ഫോറസ്റ്റര്‍മാരായ വി വി പ്രകാശന്‍, കെ വി വീണ, ഡ്രൈവര്‍ പ്രദീപ്കുമാര്‍ എന്നിവരും സംഘത്തിലുണ്ടായിരുന്നു.