പോലീസിനെ ഭയന്ന് ഇടവഴിയില്‍ വെട്ടിച്ചുകടന്ന മണല്‍ലോറി ചതുപ്പില്‍ കുടുങ്ങി; ഡ്രൈവര്‍ അറസ്റ്റില്‍

കുമ്പള: (www.kasargodvartha.com 19.10.2017) പോലീസിനെ ഭയന്ന് ഇടവഴിയില്‍ വെട്ടിച്ചുകടന്ന മണല്‍ലോറി ചതുപ്പില്‍ കുടുങ്ങി. ബുധനാഴ്ച പുലര്‍ച്ചെ കുമ്പള സീതാംഗോളിയിലാണ് സംഭവം. കര്‍ണാടക മുടിപ്പൂവില്‍ നിന്ന് അനധികൃതമായി മണല്‍ കടത്തുകയായിരുന്ന ടോറസ് ലോറിയാണ് പോലീസ് പിന്തുടര്‍ന്നപ്പോള്‍ വെട്ടിച്ച് കടക്കുന്നതിനിടെ ചതുപ്പില്‍ കുടുങ്ങിയത്.

കുമ്പള അഡീഷണല്‍ എസ്.ഐ. പി.വി ശിവദാസനും സംഘവും വാഹന പരിശോധന നടത്തുന്നതിനിടെ തടയാന്‍ ശ്രമിച്ചെങ്കിലും ലോറി നിര്‍ത്താതെ ഓടിച്ച് പോവുകയായിരുന്നു. പോലീസ് പിടിയിലാകുമെന്ന് ഉറപ്പായതോടെ സീതാംഗോളി കട്ടത്തടുക്ക റോഡില്‍ മില്ലിന് സമീപത്തെ ഇടവഴിയിലൂടെ ലോറി ഓടിച്ചുപോയി. അതിനിടയിലാണ് മുന്നോട്ടെടുക്കാനാകാത്ത വിധം ലോറി ചതുപ്പില്‍ കുടുങ്ങിയത്. ഡ്രൈവര്‍ കണ്ണൂരിലെ ആന്റണി(47)യെ അറസ്റ്റ് ചെയ്തു.

Photo: File