സമസ്ത പൊതുപരീക്ഷ; റാങ്കിന്റെ തിളക്കവുമായി ഹാശിംസ്ട്രീറ്റ് രിഫാഈ മദ്രസ വിദ്യാര്‍ത്ഥികള്‍

കാസര്‍കോട്: (www.kasargodvartha.com 16.06.2017) സമസ്ത കേരള ഇസ്ലാം മത വിദ്യാഭ്യാസ ബോര്‍ഡ് പൊതുപരീക്ഷയില്‍ സംസ്ഥാന - ജില്ലാ തലങ്ങളില്‍ റാങ്കുകള്‍ കൊയ്ത് തെരുവത്ത് ഹാശിംസ്ട്രീറ്റ് അബ്ദുല്ല മെമ്മോറിയല്‍ രിഫൗഇൗ മദ്രസയിലെ വിദ്യാര്‍ത്ഥികള്‍ ഉന്നത വിജയം കരസ്ഥമാക്കി. മദ്രസാ വിദ്യാര്‍ത്ഥികള്‍ 100 ശതമാനം വിജയം കരസ്ഥമാക്കി.

ഏഴാം തരത്തില്‍ റുഖിയ സന, ബീവി ശാഹിദ എന്നിവര്‍ സംസ്ഥാന തലത്തില്‍ നാലാം റാങ്കും ജില്ലയില്‍ രണ്ടാം റാങ്കും റെയ്ഞ്ചില്‍ ഒന്നാം റാങ്കും കരസ്ഥമാക്കി. അഹ് മദ് സാമില്‍ സംസ്ഥാന തലത്തില്‍ അഞ്ചാം റാങ്കും ജില്ലയില്‍ മൂന്നാം റാങ്കും റെയ്ഞ്ചില്‍ രണ്ടാം റാങ്കും നേടി. ഫാത്വിമത്ത് മശ്ഹൂദ നസ്‌റിന്‍, മറിയം ശഹാമ നസ്‌റിന്‍ എന്നിവര്‍ സംസ്ഥാന തലത്തില്‍ എട്ടാം റാങ്കും, അഫീഫ ടി.എ പത്താം റാങ്കും കരസ്ഥമാക്കി.

അഞ്ചാം തരത്തില്‍ ആഇശ ഹൈഫ തളങ്കര റെയ്ഞ്ചില്‍ രണ്ടാം റാങ്ക് നേടി. പ്ലസ് ടു പരീക്ഷയില്‍ കെ.എച്ച് മുഹമ്മദ് അഷ്‌നബ് റെയ്ഞ്ചില്‍ ഒന്നാം റാങ്കും ആഇശത്ത് തഫ്‌സീറ രണ്ടാം റാങ്കും കരസ്ഥമാക്കി. റാങ്കുകള്‍ നേടിയ വിദ്യാര്‍ത്ഥികളെയും മദ്രസാധ്യാപകരെയും രിഫാഈ പള്ളികമ്മിറ്റിയും അബ്ദുല്ല മെമ്മോറിയല്‍ രിഫാഈ മദ്രസാ കമ്മിറ്റിയും അഭിനന്ദിച്ചു.