സനദ് ദാന സമ്മേളനത്തോടെ സഅദിയ്യ ആണ്ട് നേർച്ചയ്ക്ക് ധന്യസമാപ്തി; 213 യുവ പണ്ഡിതർക്ക് ബിരുദം
● ബിരുദം സ്വീകരിച്ചവരിൽ 160 സഅദികളും, 50 അഫ്ളലികളും, 10 ഹാഫിളുകളും ഉൾപ്പെടുന്നു.
● സമസ്ത പ്രസിഡൻ്റ് ഇ സുലൈമാൻ മുസ്ലിയാരാണ് സമ്മേളനം ഉദ്ഘാടനം ചെയ്തത്.
● സയ്യിദ് അലി ബാഫഖി തങ്ങൾ പ്രാരംഭ പ്രാർത്ഥന നടത്തുകയും കെ പി അബൂബക്കർ മുസ്ലിയാർ പട്ടുവം അധ്യക്ഷത വഹിക്കുകയും ചെയ്തു.
● സയ്യിദ് ഇബ്രാഹിമുൽ ഖലീൽ അൽ ബുഖാരി അനുസ്മരണ പ്രഭാഷണം നടത്തി.
● കല്ലട്ര അബ്ദുൽ ഖാദിർ ഹാജി സ്മാരക അവാർഡ് തായൽ അബൂബക്കർ ഹാജി മാണിക്കോത്തിന് സമ്മാനിച്ചു.
● സഅദിയ്യ ജനറൽ സെക്രട്ടറി എ പി അബ്ദുല്ല മുസ്ലിയാർ മാണിക്കോത്ത് സനദ് ദാന പ്രസംഗം നടത്തി.
കാസർകോട്: (KasargodVartha) ജാമിഅ സഅദിയ്യ അറബിയ്യയിൽ നടന്ന താജുൽ ഉലമ ഉള്ളാൾ തങ്ങൾ നൂറുൽ ഉലമ എം എ ഉസ്താദ് ആണ്ട് നേർച്ച സനദ് ദാന സമ്മേളനത്തോടെ ധന്യസമാപനം കുറിച്ചു. സ്ഥാപനത്തിൽ മതപഠനം പൂർത്തിയാക്കിയ 213 യുവ പണ്ഡിതരാണ് സമ്മേളനത്തിൽ വെച്ച് സനദ് അഥവാ ബിരുദം സ്വീകരിച്ചത്. ആയിരങ്ങൾ അണിനിരന്ന സമാപന സമ്മേളനം പ്രൗഢഗംഭീരമായിരുന്നു.
സനദ് സ്വീകരിച്ചവരിൽ 160 സഅദികളും 50 അഫ്ളലികളും 10 ഹാഫിളുകളും ഉൾപ്പെടുന്നു. സയ്യിദ് അലി ബാഫഖി തങ്ങൾ പ്രാരംഭ പ്രാർത്ഥന നടത്തിയ ശേഷമാണ് സമ്മേളനം ആരംഭിച്ചത്. സീനിയർ വൈസ് പ്രസിഡൻ്റ് കെ പി അബൂബക്കർ മുസ്ലിയാർ പട്ടുവത്തിൻ്റെ അധ്യക്ഷതയിൽ സമസ്ത പ്രസിഡൻ്റ് ഇ സുലൈമാൻ മുസ്ലിയാർ സമ്മേളനം ഉദ്ഘാടനം ചെയ്തു.
അനുസ്മരണ പ്രഭാഷണവും അവാർഡ് വിതരണവും
സഅദിയ്യ ജനറൽ സെക്രട്ടറി എ പി അബ്ദുല്ല മുസ്ലിയാർ മാണിക്കോത്ത് സനദ് ദാന പ്രസംഗം നടത്തി. പ്രമുഖ പണ്ഡിതനും നേതാവുമായ സയ്യിദ് ഇബ്രാഹിമുൽ ഖലീൽ അൽ ബുഖാരി അനുസ്മരണ പ്രഭാഷണം നടത്തി. സയ്യിദ് ഹാമിദ് ഇമ്പിച്ചിക്കോയ അൽബുഖാരി, പേരോട് അബ്ദുൽ റഹ്മാൻ സഖാഫി, കൂറ്റമ്പാറ അബ്ദുൽ റഹ്മാൻ ദാരിമി, കല്ലട്ര മാഹിൻ ഹാജി എന്നിവർ പ്രസംഗിച്ചു.
കല്ലട്ര അബ്ദുൽ ഖാദിർ ഹാജി സ്മാരക അവാർഡ് തായൽ അബൂബക്കർ ഹാജി മാണിക്കോത്തിന് ചടങ്ങിൽ വെച്ച് സയ്യിദ് ഇബ്രാഹിം ഖലീൽ അൽ ബുഖാരി സമ്മാനിച്ചു. തുടർന്ന് ഡോ. അബ്ദുൽ ഹകീം അസ്ഹരി അനുമോദന പ്രഭാഷണം നടത്തി. ഡോ. ടിപി മുഹമ്മദ് ഹാരിസിനും കുണിയ ഇബ്രാഹിം ഹാജിക്കും, മംഗലാപുരം സാഗർ മുഹമ്മദ് ഹാജിക്കും സമ്മേളനത്തിൽ പ്രത്യേകം അനുമോദനം സമർപ്പിച്ചു.
സമാപന സംഗമം
ഹസ്സൻ മുസ്ലിയാർ വയനാട്, സയ്യിദ് സൈനുൽ ആബീദീൻ അൽഅഹ്ദൽ കണ്ണവം, സയ്യിദ് മുനീറുൽ അഹ്ദൽ, സയ്യിദ് പി എസ് ആറ്റക്കോയ തങ്ങൾ ബാഹസൻ പഞ്ചിക്കൽ, സയ്യിദ് ഇമ്പിച്ചി തങ്ങൾ ഖലീൽ സലാഹ്, സയ്യിദ് യുപിഎസ് തങ്ങൾ, പി പി ഉബൈദുല്ലാഹി സഅദി, കെ കെ ഹുസൈൻ ബാഖവി, മുഹമ്മദലി സഖാഫി തൃക്കരിപ്പൂർ, ബിഎസ് അബ്ദുല്ലകുഞ്ഞി ഫൈസി, സ്വാലിഹ് സഅദി, കുട്ടശ്ശേരി അബ്ദുല്ല ബാഖവി, പള്ളങ്കോട് അബ്ദുൽ ഖാദിർ മദനി, അലിക്കുഞ്ഞി ദാരിമി, അബ്ദു റഷീദ് ദാരിമി, മുട്ടില്ല മുഹമ്മദ് കുഞ്ഞി മുസ്ലിയാർ, അഹമ്മദ് കെ മാണിയൂർ, അബ്ദുൽ ഗഫാർ സഅദി രണ്ടത്താണി, എം എ അബ്ദുൽ വഹാബ് തൃക്കരിപ്പൂർ, മർസൂഖ് സഅദി പാപിനിശ്ശേരി, അബ്ദുൽ റഷീദ് നരിക്കോട്, ഹനീഫ് ഹാജി ഉള്ളാൾ, അബ്ദുൽ റഹ്മാൻ ഹാജി തായൽ, അബ്ദുറഹ്മാൻ ഹാജി ബഹ്റൈൻ, മുല്ലച്ചേരി അബ്ദുൽ ഖാദിർ ഹാജി, ഹാജി അബ്ദുള്ള ഹുസൈൻ കടവത്ത്, ഷാഫി ഹാജി കീഴുർ, അബ്ദുൽ ഖാദിർ ഹാജി രിഫാഈ, ഇബ്രാഹിം ഹാജി കല്ലട്ര, മൊയ്തു സഅദി ചേരൂർ, മുഹമ്മദ് സഖാഫി പാത്തൂർ, വി പി അബ്ദുള്ള ഫൈസി തുടങ്ങിയവർ സമ്മേളനത്തിൽ പങ്കെടുത്തു.
കെ പി ഹുസൈൻ സഅദി സ്വാഗതവും കൊല്ലമ്പാടി അബ്ദുൽ ഖാദിർ സഅദി നന്ദിയും പറഞ്ഞു.
പ്രൗഢഗംഭീരമായ സമാപന സമ്മേളനത്തെക്കുറിച്ചുള്ള വിവരങ്ങൾ സുഹൃത്തുക്കളുമായി പങ്കുവെക്കുക.
Article Summary: Jaamia Sa-adiyya Annual Urs concluded with the Sanad Daana Conference, awarding degrees to 213 scholars.
#Saadiyya #SanadDaana #Kasargod #Samastha #IslamicScholars #AnnualUrs
