കാസർകോട് നഗരമധ്യത്തിൽ തുരുമ്പെടുത്ത ഇരുമ്പ് കൈവരി തകർന്നുവീണു; എടുത്തുമാറ്റാനാളില്ല; കാൽനടയാത്രക്കാർ ദുരിതത്തിൽ

കാസർകോട്: (KasargodVartha) പഴയ പ്രസ് ക്ലബ് ജങ്ഷന് സമീപം ചന്ദ്രഗിരി റോഡിലേക്കുള്ള വഴിയിൽ നടപ്പാതയുടെ സുരക്ഷയ്ക്കായി സ്ഥാപിച്ചിരുന്ന ഇരുമ്പ് കൈവരി തുരുമ്പെടുത്ത് തകർന്നുവീണു. ആഴ്ചകൾക്ക് മുമ്പാണ് ഈ കൈവരി നിലംപതിച്ചത്. തകർന്നുവീണ ഇരുമ്പ് ഹാൻഡ്റയിൽ അവിടെ നിന്നും എടുത്തുമാറ്റാൻ അധികൃതർ തയ്യാറാകാത്തത് കാൽനടയാത്രക്കാർക്ക് വലിയ ദുരിതമായി മാറിയിരിക്കുകയാണ്.

തിരക്കേറിയ ചന്ദ്രഗിരി ജങ്ഷനിലാണ് ഈ അപകടക്കെണി നിലനിൽക്കുന്നത്. കാൽനടയാത്രക്കാർക്ക് ഏറെ സുരക്ഷയൊരുക്കിയിരുന്ന ഈ കൈവരികളാണ് ഇപ്പോൾ അപകടഭീഷണിയായി മാറിയിരിക്കുന്നത്. നിലവിൽ വഴിയിൽ വീണുകിടക്കുന്ന ഇരുമ്പ് കമ്പിയിൽ തട്ടി കാൽനടയാത്രക്കാർ വീഴുന്നതും ഈ ഭാഗത്ത് പതിവായിരിക്കുകയാണ്.

കൈവരി തകർന്നുവീണ വിവരം സമീപത്തെ വ്യാപാരികൾ ബന്ധപ്പെട്ട അധികാരികളെ അറിയിച്ചിരുന്നു. എന്നാൽ ഇത് സുരക്ഷിതമായി എടുത്തുമാറ്റാനോ അപകടഭീഷണി ഒഴിവാക്കാനോ യാതൊരു നടപടിയും ഇതുവരെ ഉദ്യോഗസ്ഥരുടെ ഭാഗത്തുനിന്നും ഉണ്ടായിട്ടില്ലെന്നാണ് ഉയർന്നുവരുന്ന പ്രധാന ആക്ഷേപം. 

യാത്രക്കാരുടെ സുരക്ഷ കണക്കിലെടുത്ത് തകർന്ന കൈവരി പുന:സ്ഥാപിക്കുകയോ തൽക്കാലം അവിടെ നിന്നും നീക്കം ചെയ്യുകയോ വേണമെന്നാണ് ആവശ്യം.

ഈ വാർത്ത വാട്സാപ്പ് ഗ്രൂപ്പുകളിലും സുഹൃത്തുക്കൾക്കും ഷെയർ ചെയ്യുക. പുതിയ വാർത്തകൾ അറിയാൻ ഞങ്ങളുടെ ഫേസ്ബുക്ക് പേജും വാട്സാപ്പ് ചാനലും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പോസ്റ്റിന് താഴെ കമൻ്റായി രേഖപ്പെടുത്തുക. 

Article Summary: An iron handrail on the pedestrian path near the Old Press Club Junction on Chandragiri Road in Kasaragod collapsed due to rust, causing danger to pedestrians, and authorities have not cleared it despite complaints from local traders.

#KasaragodNews #ChandragiriRoad #PedestrianSafety #KeralaNews #PublicSafety #MalayalamNews