വാലിഡിറ്റിയോ കമ്പനിയുടെ പേരോ ഇല്ലാതെ സൗന്ദര്യവര്‍ദ്ധക വസ്തുക്കളടക്കമുള്ള മരുന്നുകളുടെ വില്‍പന; പ്രതിക്ക് 20,000 രൂപ പിഴ ശിക്ഷ

By Web Desk - MainJun 1, 2018, 16:02 IST

കാസര്‍കോട്:(www.kasargodvartha.com 01/06/2018) വാലിഡിറ്റിയോ കമ്പനിയുടെ പേരോ ഇല്ലാതെ സൗന്ദര്യവര്‍ദ്ധക വസ്തുക്കളടക്കമുള്ള മരുന്നുകള്‍ വില്‍പന നടത്തിയ കേസില്‍ പ്രതിയെ പിഴയടക്കാന്‍ കോടതി ശിക്ഷിച്ചു. കാസര്‍കോട് പ്രസ് ക്ലബ്ബ് ജംഗ്ഷനില്‍ കട നടത്തുന്ന മഹേന്ദ്രസിംഗിനെ (23)യാണ് 20,000 രൂപ പിഴയടക്കാന്‍ ജുഡീഷ്യല്‍ ഫസ്റ്റ് ക്ലാസ് മജിസ്ട്രേറ്റ് ശിക്ഷിച്ചത്.

2011 നവംബര്‍ 10ന് ഡ്രഗ് ഇന്‍സ്പെക്ടര്‍ എം. അനില്‍ കുമാറിന്റെ നേതൃത്വത്തില്‍ നടന്ന റെയ്ഡിലാണ് കടയില്‍ നിന്നും വാലിഡിറ്റിയോ കമ്പനിയുടെ പേരോ ഇല്ലാത്ത വിവിധ മരുന്നുകള്‍ പിടികൂടിയത്.