പള്ളി ഇമാമിന്റെ മുറിയുടെ പൂട്ട് തകര്‍ത്ത് 40,000 രൂപ കവര്‍ന്നു

By Web Desk SreMar 20, 2017, 12:50 IST

കാസര്‍കോട്: (www.kasargodvartha.com 20.03.2017) പള്ളി ഇമാമിന്റെ മുറിയുടെ പൂട്ട് തകര്‍ത്ത് 40,000 രൂപ കവര്‍ച്ച ചെയ്തു. തളങ്കര കണ്ടത്തില്‍ സൈദലവി ജുമാമസ്ജിദിലെ ഇമാം ഉസ്മാന്‍ മുസ്ലിയാരുടെ മുറിയുടെ പൂട്ടു പൊളിച്ച് അകത്തു കടന്ന മോഷ്ടാവ് മേശവലിപ്പില്‍ സൂക്ഷിച്ച പണമാണ് കവര്‍ന്നത്.

കഴിഞ്ഞ ദിവസം രാത്രി 10 മണിക്കും 11 മണിക്കും ഇടയിലുള്ള സമയത്താണ് മോഷണം നടന്നതെന്ന് സംശയിക്കുന്നു. ഇമാമിന്റെ പരാതിയില്‍ കാസര്‍കോട് ടൗണ്‍ പോലീസ് കേസെടുത്ത് അന്വേഷണം തുടങ്ങി.