കടയുടെ പൂട്ട് തകര്‍ത്ത് മോഷണം; അരലക്ഷം രൂപ കവര്‍ന്നു

പടന്നക്കാട്: (www.kasargodvartha.com 18.11.2017) കടയുടെ പൂട്ട് തകര്‍ത്ത് മോഷണം. അരലക്ഷം രൂപ കവര്‍ന്നു. പടന്നക്കാട് റെയില്‍വേ മേല്‍പ്പാലത്തിന്റെ അടിവശത്ത് പ്രവര്‍ത്തിക്കുന്ന പടന്നക്കാട്ടെ ഇബ്രാഹിംകുട്ടിയുടെ കെ ഇ സ്റ്റോര്‍സിലാണ് കവര്‍ച്ച നടന്നത്. തൊട്ടടുത്ത ഹോട്ടലിലും കവര്‍ച്ചാശ്രമം നടന്നു. ഷട്ടറിന്റെയും ഗ്രില്‍സിന്റെയും പൂട്ടുതകര്‍ത്ത് അകത്തു കടന്ന് മേശ വലിപ്പ് കുത്തിത്തുറന്നാണ് പലചരക്കുകടയില്‍ നിന്നും അരലക്ഷം രൂപ കവര്‍ന്നത്.

മറ്റൊരാള്‍ക്ക് കൊടുക്കാന്‍ സുഹൃത്ത് ഏല്‍പ്പിച്ച പണമാണ് മേശവലിപ്പില്‍ നിന്നും കവര്‍ച്ച ചെയ്തത്. തൊട്ടടുത്തുള്ള ശശിധരന്റെ ഉടമസ്ഥതയിലുള്ള പറശിനി മെസ് ഹോട്ടലിലും കവര്‍ച്ചാശ്രമം നടന്നു. പൂട്ടു തകര്‍ത്ത് മോഷ്ടാവ് അകത്തു കടന്നെങ്കിലും ഒന്നും നഷ്ടപ്പെട്ടിട്ടില്ല. ഇബ്രാഹിംകുട്ടിയുടെ പരാതിയില്‍ ഹൊസ്ദുര്‍ഗ് പോലീസ് കേസെടുത്ത് അന്വേഷണം നടത്തി വരുന്നു. മോഷണം നടന്ന കടകളില്‍ ഹൊസ്ദുര്‍ഗ് എസ്‌ഐ എ സന്തോഷ്‌കുമാര്‍ പരിശോധന നടത്തി.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം 😊)