മലഞ്ചരക്ക് കടയില്‍ മോഷണം; 15 ക്വിന്റല്‍ അടക്ക കവര്‍ന്നു

By Web Desk - MainApr 30, 2018, 17:48 IST

പൊയ്‌നാച്ചി: (www.kasargodvartha.com 30.04.2018) മലഞ്ചരക്ക് കടയില്‍ മോഷണം. 15 ക്വിന്റല്‍ അടക്ക കവര്‍ന്നു. കോളിയടുക്കത്തെ എം.എം നിസാറിന്റെ പൊയ്‌നാച്ചി 55-ാം മൈലില്‍ പ്രവര്‍ത്തിക്കുന്ന കടയിലാണ് കവര്‍ച്ച നടന്നത്. സമീപത്ത് താമസിക്കുന്ന ബില്‍ഡിംഗ് ഉടമ വിജയന്‍ കടയുടെ ഷട്ടര്‍ പൊളിച്ചുകിടക്കുന്നത് കണ്ട് നിസാറിനെ വിവരമറിയിക്കുകയായിരുന്നു.

സ്ഥലത്തെത്തി നോക്കിയപ്പോഴാണ് കവര്‍ച്ച നടന്നതായി വ്യക്തമായത്. വിവരമറിഞ്ഞ് വിദ്യാനഗര്‍ എസ് ഐ കെ.പി വിനോദ് കുമാറിന്റെ നേതൃത്വത്തിലുള്ള പോലീസ് സംഘം സ്ഥലത്തെത്തി. 3,23,000 രൂപയുടെ നഷ്ടം സംഭവിച്ചതായി കടയുടമ പരാതിപ്പെട്ടു.