മുത്തപ്പന്‍ മഠപ്പുരയില്‍ നിന്ന് സ്വര്‍ണചന്ദ്രക്കലകള്‍ കവര്‍ന്നു

നീലേശ്വരം: (www.kasargodvartha.com 07.07.2017) കരിന്തളം തോളേനിയിലെ മുത്തപ്പന്‍ മഠപ്പുര ക്ഷേത്രത്തില്‍ കവര്‍ച്ച നടന്നു. ദേവന് ചാര്‍ത്തിയ രണ്ട് സ്വര്‍ണ്ണ ചന്ദ്രക്കലകളും സ്വര്‍ണ്ണനാണയവും 350 രൂപയും മോഷണം പോയി. ക്ഷേത്രത്തിന്റെ ഓഫീസില്‍ സൂക്ഷിച്ചിരുന്ന ചന്ദ്രക്കലകളും സ്വര്‍ണ്ണ
നാണയവും പൂട്ടു തകര്‍ത്ത് അകത്തുകടന്നാണ് മോഷ്ടിച്ചത്.

ക്ഷേത്രത്തിന്റെ ശ്രീകോവിലിന്റെ പൂട്ട് തകര്‍ക്കാന്‍ ശ്രമിച്ചെങ്കിലും വിഫലമായി. ക്ഷേത്രം ഭാരവാഹികളുടെ പരാതിയെ തുടര്‍ന്ന് നീലേശ്വരം സിഐ വി ഉണ്ണികൃഷ്ണന്‍, എസ്ഐ നാരായണന്‍ എന്നിവര്‍ സംഭവസ്ഥലത്തെത്തി പ്രാഥമിക അന്വേഷണം നടത്തി. കാസര്‍കോട്ട് നിന്നും വിരലടയാള വിദഗ്ധരും സ്ഥലത്തെത്തി തെളിവു ശേഖരിച്ചു.