കാസര്‍കോട്ടെ കവര്‍ചാ പരമ്പര; പിന്നില്‍ തിരുട്ട്ഗ്രാമക്കാരോ?
Sep 6, 2012, 14:35 IST
അടുക്കള വാതില്‍ തകര്‍ത്ത് അകത്ത് കയറിയ മോഷ്ടാക്കള്‍ മുറികളിലെ അലമാരകളെല്ലാം കുത്തിത്തുറന്ന് സാധനങ്ങള്‍ വാരി വലിച്ചിട്ടു. കിടപ്പുമുറിലെ അലമാര കുത്തിതുറക്കുന്നതിനിടയിലാണ് അബ്ദുല്ല കുഞ്ഞി പെട്ടെന്ന് വീട്ടിലെത്തിയത്. ഇതോടെ മോഷ്ടാക്കള്‍ ഓടി രക്ഷപ്പെടുകയായിരുന്നു. ഒരു പവനോളം സ്വര്‍ണം ഇവിടെ നിന്നും കവര്‍ച ചെയ്യപ്പെട്ടിട്ടുണ്ട്. വിദ്യനഗര്‍ പോലീസ് രാത്രി തന്നെ വീട്ടിലെത്തി കേസെടുത്ത് അന്വേഷണം ആരംഭിച്ചു. കിടപ്പുമുറിയിലെ അലമാരയില്‍ 15 പവന്‍ സ്വര്‍ണം സൂക്ഷിച്ചിരുന്നു. അല്‍പം വൈകിയിരുന്നുവെങ്കില്‍ സ്വര്‍ണം നഷ്ടപ്പെടുമായിരുന്നുവെന്ന് വീട്ടുകാര്‍ പറഞ്ഞു.
അബ്ദുല്ല കുഞ്ഞിയുടെ ഭാര്യ റംലയും തൊട്ടടുത്ത് താമസിക്കുന്ന ബന്ധുക്കളും വ്യാഴാഴ്ച മംഗലാപുരത്ത് വിവാഹം നടക്കുന്ന ചെര്‍ക്കളയിലെ ബന്ധുവീട്ടില്‍ പോയതായിരുന്നു. കോഴിക്കോട്ടു പോയിരുന്ന അബ്ദുല്ല കുഞ്ഞി രാത്രി എട്ടുമണിയോടെ കാസര്‍കോട്ട് ട്രെയ്‌നിറങ്ങി കാറില്‍ വീട്ടിലെത്തിയപ്പോള്‍ കാറിന്റെ വെളിച്ചം കണ്ട് മോഷ്ടാക്കള്‍ ഓടി രക്ഷപ്പെടുകയായിരുന്നു.
കാസര്‍കോട്ട് നടക്കുന്ന കവര്‍ചാ പരമ്പരകള്‍ക്കു പിന്നില്‍ തിരുട്ട് സംഘമാണെന്ന സംശയം കൂടുതല്‍ ബലപ്പെട്ടിരിക്കുകയാണ്. കാസര്‍കോട്ടെ ന്യൂ ദിനാര്‍ ജ്വല്ലറി, നുള്ളിപ്പാടിയിലെയും, ബദിബാഗിലുവിലെയും രണ്ടു വീടുകള്‍ തുടങ്ങി ചെറുതും വലുതുമായ നിരവധി കവര്‍ചാ പരമ്പരകളാണ് നടന്നുവരുന്നത്. പ്രാദേശിക കവര്‍ചക്കാരെയും പോലീസ് സംശയിക്കുന്നുണ്ട്‌.
Keywords: Theft, House, Police, Cherkala, Ethirthodu, Kasaragod, Case, Marriage, Kerala
Tags
Share this story
