'റോഡുസുരക്ഷാ വാരം 2020'; മലയോരത്ത് ആലാമിക്കളി ഉള്‍പ്പെടെ വൈവിധ്യമാര്‍ന്ന പരിപാടികള്‍

വെള്ളരിക്കുണ്ട്: (www.kasargodvartha.com 07.01.2020) 31-ാമത് ദേശീയ റോഡുസുരക്ഷാ വാരത്തിന്റെ ഭാഗമായി ജനുവരി 11 മുതല്‍ 17 വരെ വ്യത്യസ്തങ്ങളായ പരിപാടികള്‍ ആസൂത്രണം ചെയ്ത് വെള്ളരിക്കുണ്ട് സബ് ആര്‍ ടി ഓഫീസ്. വിദ്യാഭ്യാസ സ്ഥാപനങ്ങള്‍ കേന്ദ്രീകരിച്ചുള്ള റോഡുസുരക്ഷാ നിര്‍ദ്ദേശങ്ങള്‍ ഉള്‍ക്കൊള്ളിച്ചുള്ള ആലാമിക്കളിയാണ് ഈ വര്‍ഷത്തെ പുതുമ. ഒഴിഞ്ഞവളപ്പ് റെഡ്സ്റ്റാര്‍ ക്ലബിലെ കലാകാരന്‍മാര്‍ ആണ് മോട്ടോര്‍ വെഹിക്കിള്‍ ഇന്‍സ്‌പെക്റ്റര്‍ എം വിജയന്‍ രചിച്ച വരികള്‍ക്ക് താളമിടുന്നത്.

ജനുവരി പതിനാലിന് രാവിലെ 9.30ന് ചിറ്റാരിക്കാല്‍നിന്ന് ആരംഭിക്കുന്ന പര്യടനം, എളേരിത്തട്ട്, വെള്ളരിക്കുണ്ട് ,രാജപുരം എന്നിവിടങ്ങളില്‍ പരിപാടികള്‍ അവതരിപ്പിച്ച് വൈകുന്നേരം അഞ്ചുമണിക്ക് മണിക്ക് കാഞ്ഞങ്ങാട് സമാപിക്കും. കൂടാതെ വിവിധ മേഖലകളി ലുള്ളവര്‍ക്ക് സുരക്ഷാക്ലാസുകള്‍, സെമിനാറുകള്‍, സുരക്ഷാ റാലി, തെരുവോര പ്രശ്‌നോത്തരി, സമ്മാനം നല്‍കുന്ന വാഹന പരിശോധന തുടങ്ങിയവ നടക്കും.ആലോചനായോഗം ജോ ആര്‍ടിഒ കെ.ഭരതന്‍ ഉദ്ഘാടനം ചെയ്തു.മോട്ടോര്‍ വെഹിക്കിള്‍ ഇന്‍സ്‌പെക്ടര്‍ വിജയന്‍ എം അധ്യക്ഷനായിരുന്നു.വിവിധ സംഘടകളുടെ പ്രതിനിധികള്‍ പങ്കെടുത്തു.