പഞ്ചായത്തിന്റെ അനാസ്ഥ; റോഡുകള്‍ തകര്‍ന്ന് തരിപ്പണമായി

By Web Desk SreJun 10, 2017, 11:05 IST

മുളിയാര്‍: (www.kasargodvartha.com 10.06.2017) മുളിയാര്‍ പഞ്ചായത്തിന്റെ അനാസ്ഥ മൂലം പ്രാദേശിക റോഡുകള്‍ തകര്‍ന്ന് യാത്ര ദുരിതപൂര്‍ണ്ണമായി. പഞ്ചായത്ത് ടാര്‍ ഓര്‍ഡര്‍ ചെയ്യാന്‍ വൈകിയതാണ് ഈ ദുരാവസ്ഥക്ക് കാരണം. ഓര്‍ഡര്‍ ചെയ്ത ടാര്‍ കിട്ടിയത് എപ്രില്‍ അവസാനമാണ്.

കാലവര്‍ഷം ആരംഭിച്ചതോടെ പദ്ധതി അടുത്ത സാമ്പത്തിക വര്‍ഷത്തേക്ക് മാറ്റി. കഴിഞ്ഞ സാമ്പത്തിക വര്‍ഷം മുളിയാര്‍ പഞ്ചായത്ത് 91 ശതമാനം ഫണ്ട് വിനിയോഗിച്ചു എന്ന് അവകാശപ്പെടുമ്പോള്‍ ആ ഫണ്ടുകള്‍ എവിടെ ചെലവഴിച്ചു എന്ന് നാട്ടുകാര്‍ ചേദിക്കുന്നു. 112 പദ്ധതി റോഡുകള്‍ (ടാറിംഗും ,റീ ടാറിംഗും) ബാക്കി നില്‍ക്കുകയാണ്. ഏകദേശം ഒന്നര കോടി രൂപയുടെ പദ്ധതിയാണ് ബാക്കി വരുന്നത്.

പഞ്ചായത്തിന്റെ അനാസ്ഥ; റോഡുകള്‍ തകര്‍ന്ന് തരിപ്പണമായി

പഞ്ചായത്തിന്റെ അനാസ്ഥമൂലം ഉള്‍പ്രദേശത്തെ സാധാരണ ജനങ്ങള്‍ ദുരിതം അനുഭവിക്കുകയാണ്. ഇതിന് മറുപടി പറയേണ്ടത് പഞ്ചായത്ത് അധികാരികളാണെന്നാണ് നാട്ടുകാര്‍ പറയുന്നത്.