രാജധാനി എക്‌സ്പ്രസിന് കാസര്‍കോട്ട് സ്വീകരണം നല്‍കി

By Web Desk SUFeb 18, 2019, 22:11 IST

കാസര്‍കോട്: (www.kasargodvartha.com 18.02.2019) പുതുതായി സ്‌റ്റോപ്പ് അനുവദിച്ച രാജധാനി എക്‌സ്പ്രസിന് കാസര്‍കോട് റെയില്‍വേ സ്‌റ്റേഷനില്‍ എല്‍ഡിഎഫ് നേതൃത്വത്തില്‍ ഉജ്ജ്വല സ്വീകരണം നല്‍കി. പി കരുണാകരന്‍ എംപി എഞ്ചിന്‍ ഡ്രൈവറെ പൂച്ചെണ്ട് നല്‍കി സ്വീകരിച്ചു. മധുരപലഹാരവും നല്‍കി.

സിപിഎം സംസ്ഥാന കമ്മിറ്റി അംഗം സി എച്ച് കുഞ്ഞമ്പു, ജില്ലാകമ്മിറ്റി അംഗം എം സുമതി, ഏരിയാ സെക്രട്ടറി കെ എ മുഹമ്മദ് ഹനീഫ, ബിജു ഉണ്ണിത്താന്‍, മുനീര്‍ കണ്ടാളം, ഹസൈനാര്‍ നുള്ളിപ്പാടി എന്നിവര്‍ സംബന്ധിച്ചു. വര്‍ഷങ്ങളായുള്ള കാത്തിരിപ്പിന് ശേഷമാണ് രാജധാനിക്ക് കാസര്‍കോട് സ്‌റ്റോപ്പ് അനുവദിച്ചത്. ജനപ്രതിനിധികളുടെ നിരന്തര ഇടപെടലാണ് ഇതിന് കാരണമായത്.