വാതില്‍പ്പടി വിതരണം സുഗമമാക്കാന്‍ സര്‍ക്കാര്‍ ഇടപെടണം: റേഷന്‍ ഡീലേഴ്‌സ് അസോസിയേഷന്‍

കാസര്‍കോട്: (www.kasargodvartha.com 05.12.2018) വാതില്‍പ്പടി വിതരണത്തിനായി വന്‍തുക നല്‍കുന്നുവെങ്കിലും ഇത് അട്ടിമറിക്കാന്‍ ചില ഉദ്യോഗസ്ഥരും കരാറുകാരും തൊഴിലാളികളും ശ്രമിക്കുന്നതായി ഓള്‍ കേരള റേഷന്‍ ഡീലോഴ്‌സ് അസോസിയേഷന്‍ സംസ്ഥാന പ്രസിഡന്റ് ജോണി നെല്ലൂര്‍, ജനറല്‍ സെക്രട്ടറി ടി. മുഹമ്മദലി, കാസര്‍കോട് ജില്ലാ പ്രസിഡന്റ് പി.കെ. അബ്ദുര്‍ റഹ് മാന്‍ എന്നിവര്‍ വാര്‍ത്താ സമ്മേളനത്തില്‍ ആരോപിച്ചു.

വാതില്‍പ്പടി വിതരണം സുഗമമാക്കുന്നതിന്റെ ഭാഗമായി തൂക്കത്തില്‍ കൃത്യത ഉറപ്പുവരുത്തുന്നതില്‍ സര്‍ക്കാര്‍ ഇടപെടണമെന്നും താല്‍ക്കാലിക ലൈസന്‍സിയായി റേഷന്‍ കടത്തുന്ന മുഴുവന്‍ കടകളും സ്ഥിരപ്പെടുത്തുന്നതിനാവശ്യമായ നടപടി വേണമെന്നും സര്‍ക്കാര്‍ പ്രഖ്യാപിച്ച  സൗജന്യ റേഷന്‍ വിതരണം ചെയ്ത വകയിലുള്ള അഞ്ചു മാസത്തെ കുടിശിക വിതരണം ചെയ്യണമെന്നും ഇവര്‍ ആവശ്യപ്പെട്ടു.