എസ്.വൈ.എസ് റംസാന്‍ പ്രഭാഷണ പരമ്പര തിങ്കളാഴ്ച മുതല്‍
Aug 4, 2012, 16:47 IST
എസ്.വൈ.എസ് സംസ്ഥാന വ്യാപകമായി നടത്തിവരുന്ന വിശുദ്ധ റമസാന്‍ ഖുര്‍ആന്‍ ക്യാമ്പയിന്‍ ഭാഗമായാണ് ജില്ലാ കമ്മറ്റിക്കു കീഴില്‍ ആഗസ്റ്റ് ആറു മുതല്‍ ഒമ്പത് വരെ കാസര്‍കോട്ട് പ്രഭാഷണ പരമ്പര നടത്തുന്നത്. കാസര്‍കോട് പുതിയ ബസ് സ്റ്റാന്‍ഡിനു സമീപം പീബീസ് കോമ്പൗണ്ടില്‍ പ്രത്യേകം സജ്ജമാക്കുന്ന ബാബു റയ്യാന്‍ വേദിയിലാണ് എല്ലാ ദിവസവും രാവിലെ 9.30 മുതല്‍ 12.30 വരെ പ്രഭാഷണം നടക്കുക. ശനിയാഴ്ച തുടങ്ങേണ്ട പ്രഭാഷണം നിരോധനാജ്ഞകാരണമാണ് ആറിലേക്കു മാറ്റിയത്.
പ്രമുഖ ഖുര്‍ആന്‍ പണ്ഡിതന്‍ കൂറ്റമ്പാറ അബ്ദു റഹ്മാന്‍ ദാരിമിയാണ് വിശുദ്ധ ഖുര്‍ആനിലെ അവസാന അധ്യായം അന്നാസ് ആസ്പദമാക്കി വിവിധ വിഷയങ്ങളില്‍ നാല് ദിവസം പ്രഭാഷണം നടത്തുന്നത്. എല്ലാ ദിവസവും ആത്മീയ നായകരുടെ ദുആ സദസ്സോടെയാണ് പരിപാടി സമാപിക്കുക. പ്രമുഖ വ്യക്തിത്വങ്ങള്‍ ഓരോ ദിവസവും അതിഥിയായെത്തും. വിവിധ പ്രസിദ്ധീകരണങ്ങളുടെ പ്രകാശനം നടക്കും. പരിപാടികള്‍ ആഗോള തലത്തില്‍ തല്‍സമയം കാണുന്നതിന് സംവിധാനം ഒരുക്കിയിട്ടുണ്ട്. 3,000 പേര്‍ക്ക് പ്രഭാഷണം വീക്ഷിക്കാവുന്ന സൗകര്യത്തോടെ കൂറ്റന്‍ പന്തല്‍ ഒരുക്കിയിട്ടുണ്ട്. സ്ത്രീകള്‍ക്ക് പ്രത്യേകം പന്തലൊരുക്കിയിട്ടുണ്ട്.
ഞായറാാഴ്ച വൈകിട്ട് നാലു മണിക്ക് തളങ്കര മാലിക് ദീനാര്‍ മഖാമില്‍ നടക്കുന്ന സിയാറത്തിന് സയ്യിദ് മുഹമ്മദ് ഇബ്രാഹീം പൂക്കുഞ്ഞി തങ്ങള്‍ നേതൃത്വം നല്‍കും. തുടര്‍ന്ന് നഗരിയില്‍ സ്വാഗത സംഘം ചെയര്‍മാന്‍ മുക്രി ഇബ്രാഹീം ഹാജി പതാക ഉയര്‍ത്തും.
6 ന് തിങ്കളാഴ്ച രാവിലെ 9 മണിക്ക് ബായാര്‍ മുജമ്മഅ് ചെയര്‍മാന്‍ സയ്യിദ് അബ്ദു റഹ്മാന്‍ ഇമ്പിച്ചിക്കോയ തങ്ങള്‍ തുര്‍ക്കളിഗെ പ്രഭാഷണം ഉദ്ഘാടനം ചെയ്യും. സയ്യിദ് മുഹമ്മദ് ഇബ്രഹീം അല്‍ ഐദറൂസി പ്രാര്‍ത്ഥന നടത്തും.
എസ്.വൈ.എസ് ജില്ലാ പ്രസിഡന്റ് പള്ളങ്കോട് അബ്ദുല്‍ ഖാദിര്‍ മദനി അധ്യക്ഷത വഹിക്കും. സഅദിയ്യ സെക്രട്ടറി എ.പി അബ്ദുല്ല മുസ്ലിയാര് മാണിക്കോത്ത്, മുഹിമ്മാത്ത് സെക്രട്ടറി ബി.എസ് അബ്ദുല്ലക്കുഞ്ഞി ഫൈസി, ബെള്ളിപ്പാടി അബ്ദുല്ല മുസ്ലിയാര്, മള്ഹര്‍ സെക്രട്ടറി സയ്യിദ് ജലാലുദ്ദീന്‍ തങ്ങള്‍, എസ്.ജെ.എം ജില്ലാ പ്രസിഡന്റ് കൊല്ലമ്പാടി അബ്ദുല്‍ ഖാദിര്‍ സഅദി, എസ്.എം.എ ജില്ലാ സെക്രട്ടറി അബ്ദുല്‍ ഹമീദ് മൗലവി ആലമ്പാടി, എസ്.വൈ.എസ് ജില്ലാ സെക്രട്ടറി സുലൈമാന്‍ കരിവെള്ളൂര്‍, എസ്.എസ്.എഫ് ജില്ലാ സെക്രട്ടറി അബ്ദു റസാഖ് സഖാഫി കോട്ടക്കുന്ന് തുടങ്ങിയവര്‍ പ്രസംഗിക്കും.
വ്യാപാരി വ്യവസായി ഏകോപന സമിതി ജില്ലാ പ്രസിഡന്റ് ശരീഫ് കുറ്റിക്കോല്‍ പ്രസിദ്ധീകരണങ്ങളുടെ പ്രകാശനം നിര്‍വഹിക്കും. എന്‍.എ അബൂബക്കര്‍ ഹാജി, പി ബി അഹ്മദ് ഹാജി, പി.എ അശ്‌റഫലി, അസീസ് കടപ്പുറം, ലണ്ടന്‍ മുഹമ്മദ് ഹാജി, മുല്ലച്ചേരി അബ്ദുല്‍ ഖാദിര്‍ ഹാജി, ഹാജി അബ്ദുല്ല ഹുസൈന്‍ കടവത്ത്, കുബണൂര്‍ ഇബ്രാഹീം ഹാജി, സുബൈര്‍ പടുപ്പ് തുടങ്ങിയവര്‍ ആശംസ അര്‍പ്പിക്കും. ഏഴ് മണിക്ക് സയ്യിദ് ഹസന്‍ അഹ്ദല്‍ തങ്ങളും എട്ടിനു സയ്യിദ് ശിഹാബുദ്ദീന്‍ തങ്ങളും പ്രാര്‍ത്ഥനക്ക് നേതൃത്വം നല്‍കും.
ആഗസ്റ്റ് 9 വ്യാഴാഴ്ച നടക്കുന്ന സമാപന പരിപാടിയില്‍ സുന്നി വിദ്യാഭ്യാസ ബോര്‍ഡ് ഉപാധ്യക്ഷന്‍ സയ്യിദ് കെ.സ് ആറ്റക്കോയ തങ്ങള്‍ കുമ്പോല്‍, എസ്.വൈ.എസ് സംസ്ഥാന ഉപാധ്യക്ഷന്‍ സയ്യിദ് മുഹമ്മദ് ഉമറുല്‍ ഫാറൂഖ് അല്‍ ബുഖാരി, സമസ്ത കേന്ദ്ര മുശാവറാംഗം എം.അലിക്കുഞ്ഞി മുസ്ലിയാര് തുടങ്ങിയവര്‍ സംബന്ധിക്കും.
ഈ വര്‍ഷം 10 കോടി രൂപയുടെ റിലീഫ് പ്രവര്‍ത്തനങ്ങളാണ് എസ്.വൈ.എസിനു കീഴില്‍ സംസ്ഥാനത്തു നടന്നു വരുന്നത്. സംസ്ഥാന റിലീഫ് ഫണ്ടിലേക്ക് ആഗസ്റ്റ് 3 ന് യൂണിറ്റുകളില്‍ നടന്ന ഫണ്ട് സമാഹരണത്തില്‍ ആയിരങ്ങള്‍ പങ്കാളികളായി. ജില്ലയില്‍ റമസാനില്‍ മാത്രം അരക്കോടി രൂപയുടെ റിലീഫ് നടന്നു വരുന്നു.
വാര്‍ത്താസമ്മേളനത്തില്‍ ബി.എസ് അബ്ദുല്ലക്കുഞ്ഞി ഫൈസി പള്ളങ്കോട് അബ്ദുല്‍ ഖാദിര്‍ മദനി, ഹസ്ബുല്ലാഹ് തളങ്കര, സി.എ അബ്ദുല്ല ചൂരി, ഹാജി അമീറലി ചൂരി, ജബ്ബാര്‍ ഹാജി നുള്ളിപ്പാടി തുടങ്ങിയവര്‍ സംബന്ധിച്ചു.
Keywords: SYS, Press meet, Kasaragod.
Tags
Share this story
