'രജിലേഷിന്റെ മരണം: CPM മതസൗഹാര്‍ദ്ദം തകര്‍ക്കാന്‍ ശ്രമിക്കുന്നു'

Rajilesh

 തൃക്കരിപ്പൂര്‍: മെട്ടമ്മല്‍ മധുരങ്കൈയിലെ രജിലേഷ് ആത്മഹത്യ ചെയ്ത സംഭവം ഉയര്‍ത്തിക്കാട്ടി മതസൗഹാര്‍ദ്ദം തകര്‍ക്കാനുള്ള സി.പി.എമ്മിന്റെ ഗൂഢനീക്കം ജനങ്ങള്‍ കരുതിയിരിക്കണമെന്ന് തൃക്കരിപ്പൂര്‍ പഞ്ചായത്ത് മുസ്‌ലിം ലീഗ് യോഗം ആവശ്യപ്പെട്ടു. സംഭവവുമായി മുസ്‌ലിം ലീഗിന് യാതൊരു ബന്ധവുമില്ല. മുസ്‌ലിം ലീഗിനെതിരെ പിണറായി വിജയനും സി.പി.എമ്മും നടത്തുന്ന പ്രചാരണം അടിസ്ഥാന രഹിതമാണെന്ന് യോഗം അഭിപ്രായപ്പെട്ടു. പഞ്ചായത്ത് മുസ്‌ലിം ലീഗിന്റെ ആഭിമുഖ്യത്തില്‍ മെയ് എട്ടിന് മൈത്രി യാത്ര സംഘടിപ്പിക്കും. വൈകുന്നേരം അഞ്ച് മണിക്ക് തൃക്കരിപ്പൂരില്‍നിന്നും ആരംഭിക്കുന്ന യാത്രയില്‍ വാര്‍ഡുകളില്‍നിന്ന് തെരഞ്ഞെടുക്കപ്പെട്ട പത്ത് വീതം പ്രതിനിധികള്‍ പങ്കെടുക്കും. രാത്രി മെട്ടമ്മലില്‍ ചേരുന്ന പൊതുയോഗത്തില്‍ ബഷീര്‍ വെള്ളിക്കോത്ത്, എ.ജി.സി. ബഷീര്‍ പ്രസംഗിക്കും.
യോഗത്തില്‍ വൈസ് പ്രസിഡണ്ട് എസ്.കുഞ്ഞഹമ്മദ് അധ്യക്ഷത വഹിച്ചു. ജില്ലാ ജോ.സെക്രട്ടറി എ.ജി.സി. ബഷീര്‍, വി.കെ.ബാവ, അഡ്വ. എം.ടി.പി. കരീം, സത്താര്‍ വടക്കുമ്പാട്, റസാഖ് പുനത്തില്‍, കെ.അബ്ദുല്‍ റഹ്മാന്‍ ഹാജി, സത്താര്‍ മണിയനൊടി, ടി.പി.അബ്ദുല്ലക്കുഞ്ഞി, പി.പി. ഇബ്രാഹിം, ശംസുദ്ദീന്‍ ആയിറ്റി, എം.എ.സി. കുഞ്ഞബ്ദുല്ല ഹാജി, ഒ.ടി.അഹമ്മദ് ഹാജി, കെ.പി. ഇബ്രാഹിം കുട്ടി, എം.അബ്ദുല്‍ സലാം, കെ. മുഹമ്മദ്കുഞ്ഞി ഹാജി സംസാരിച്ചു.