ഖത്തര്‍മലയാളി മാന്വലിന്റെ പരിഷ്കരിച്ച രണ്ടാം പതിപ്പ് പ്രകാശനം ചെയ്തു

ഖത്തറിലെ സാമൂഹിക, കലാ-സാംസ്‌കാരിക, വിദ്യാഭ്യാസ, മാധ്യമ, ജനസേവന മേഖലകളില്‍ മികച്ച സേവനം നല്‍കുന്ന മലയാളികളെ പരിചയപ്പെടുത്തിയുള്ളതാണ് പുതിയ പതിപ്പ് 350 ലേറെ പ്രവാസികളുടെ വിവരം ഇതില്‍ നിന്ന് ലഭ്യമാവും. മെച്ചപ്പെട്ട ജീവിതമാര്‍ഗം തേടിയുള്ള മലയാളിയുടെ വിദേശ സഞ്ചാരത്തിന്റെ വേദനകള്‍ മുതല്‍ അവരുടെ വളര്‍ചയുടെ നാഴികകല്ലുകള്‍ വരെ രണ്ടാം പതിപ്പിന്റെ സവിശേഷതയാണ്.

വിവിധ മേഖലകളില്‍ വിജയം കണ്ടെത്തിയ ഖത്തറിലെ പ്രവാസി മലയാളികളുടെ കഠിനാധ്വാനവും ക്ഷമയും അര്‍പണ ബോധവും വ്യക്തമാവുന്നതാണ് മാന്വലിലെ പരിചയപ്പെടുത്തലുകള്‍. ചരിത്രഗ്രന്ഥങ്ങളിലൊന്നും ഇടം കിട്ടാതെ പോയ ഖത്തര്‍ മലയാളികളുടെ ജീവിതം പകര്‍ത്തി അത് വരും തലമുറയ്ക്ക് മാര്‍ഗദീപവും ആവേശവുമാവുന്ന പിന്‍ബലമാവുക എന്നതാണ് ഖത്തര്‍ മലയാളി മാന്വലിലൂടെ ഉദ്ദേശിക്കുന്നതെന്ന് ചീഫ് എഡിറ്റര്‍ അമാനുള്ള വടക്കാങ്ങര പറഞ്ഞു.

ഖത്തര്‍മലയാളി മാന്വലിന്റെ പരിഷ്‌കരിച്ച രണ്ടാം പതിപ്പ് കേരള ന്യൂനപക്ഷ വികസന ധനകാര്യ കോര്‍പറേഷന്‍ മാനേജിംഗ് ഡയറക്ടര്‍ മുഹമ്മദ് ഹനീഫ പെരിഞ്ചീരിക്ക് ആദ്യ കോപ്പി നല്‍കി കേരള പ്രവാസി ലീഗ് സംസ്ഥാന സെക്രട്ടറി സി. പി. ബാവഹാജി പ്രകാശനം ചെയ്യുന്നു.

ഖത്തറിലും കേരളത്തിലും സൗജന്യമായാണ് മലയാളി മാന്വല്‍ വിതരണം ചെയ്യുന്നത്. മൂന്നാം പതിപ്പ് രണ്ടു വര്‍ഷത്തിനകം പ്രസിദ്ധീകരിക്കാന്‍ ഉദ്ദേശിക്കുന്നതായും അമാനുള്ള അറിയിച്ചു. ചടങ്ങില്‍ അമ്മാര്‍ കിഴുപറമ്പ്, കേരളഭൂഷണം റീജിണല്‍ മാനേജര്‍ ജൗഹറലി തങ്കേയത്തില്‍ എന്നിവരും പങ്കെടുത്തു.

Keywords: Media plus, Qatar Malayali mannual, Release, Malappuram, Press club, Kasaragod, Kerala, Malayalam news, Kasargod Vartha, Kerala News, International News, National News, Gulf News, Health News, Educational News, Business News, Stock news, Gold News