സ്വകാര്യ ബസ് ഓട്ടോയിലിടിച്ച് ഓട്ടോ ഡ്രൈവര്‍ക്ക് ഗുരുതരം

By Web Desk SUDec 15, 2017, 17:50 IST

ഉപ്പള: (www.kasargodvartha.com 15.12.2017) സ്വകാര്യ ബസ് ഓട്ടോയിലിടിച്ച് ഓട്ടോ ഡ്രൈവര്‍ക്ക് ഗുരുതരമായി പരിക്കേറ്റു. ഓട്ടോ ഡ്രൈവര്‍ ഉപ്പള സോങ്കാലിലെ ഇസ്മാഈലി (32) നാണ് ഗുരുതരമായി പരിക്കേറ്റത്. ഇയാളെ മംഗളൂരു ആശുപത്രിയില്‍ പ്രവേശിപ്പിച്ചു. വെള്ളിയാഴ്ച വൈകീട്ട് 4.30 മണിയോടെയാണ് അപകടമുണ്ടായത്. ഉപ്പള ഗേറ്റിനും സ്‌കൂളിനും ഇടയിലാണ് അപകടം നടന്നത്.

സ്വകാര്യ ബസ് ഓട്ടോയിലിടിച്ച് ഓട്ടോ ഡ്രൈവര്‍ക്ക് ഗുരുതരം

കാസര്‍കോട്ട് നിന്നും തലപ്പാടിയിലേക്ക് പോകുകയായിരുന്ന മര്‍സാന ബസ് ആണ് ഓട്ടോയിലിടിച്ചത്. അപകടത്തെ തുടര്‍ന്ന് ഓട്ടോറിക്ഷ പൂര്‍ണമായും തകര്‍ന്നു. ഓട്ടോയ്ക്കുള്ളില്‍ കുടുങ്ങിയ ഇസ്മാഈലിനെ സാഹസികമായാണ് പുറത്തെടുത്തത്. അപകടത്തെ തുടര്‍ന്ന് റോഡില്‍ രക്തം തളംകെട്ടി കിടന്നിരുന്നു. ഇത് വിവരമറിഞ്ഞെത്തിയ ഫയര്‍ഫോഴ്‌സ് വെള്ളംചീറ്റി ഒഴിവാക്കി. വിവരമറിഞ്ഞ് മഞ്ചേശ്വരം പോലീസും സ്ഥലത്തെത്തിയിരുന്നു.