പ്രവാസികളെ അവഗണിക്കരുത്: പെൻഷൻ വേഗത്തിലാക്കണം

കോഴിക്കോട്: (KasargodVartha) പ്രവാസി ക്ഷേമ ബോർഡിൽ കെട്ടിക്കിടക്കുന്ന പെൻഷൻ അപേക്ഷകൾ എത്രയും പെട്ടെന്ന് തീർപ്പാക്കി വിതരണം ചെയ്യാനുള്ള നടപടികൾ സർക്കാർ സ്വീകരിക്കണമെന്ന് നാഷണൽ പ്രവാസി ലീഗ് (വഹാബ് വിഭാഗം) സംസ്ഥാന കമ്മിറ്റി ആവശ്യപ്പെട്ടു.

പ്രവാസി സമൂഹത്തിനും അർഹതപ്പെട്ട സർക്കാർ ആനുകൂല്യങ്ങൾ ലഭ്യമാക്കണം. ഇതിനായി പ്രായഭേദമന്യേ എല്ലാ പ്രവാസികൾക്കും ക്ഷേമനിധിയിൽ ചേരാനുള്ള സാഹചര്യം ഒരുക്കണം. നാട്ടിൽ തിരിച്ചെത്തി പത്തുവർഷം കഴിഞ്ഞ പ്രവാസികൾക്കും സാന്ത്വന ആനുകൂല്യങ്ങൾ ലഭ്യമാക്കണം.

ആഘോഷകാലങ്ങളിൽ യാത്രാനിരക്ക് വർദ്ധിപ്പിച്ച് പ്രവാസികളെ ചൂഷണം ചെയ്യുന്ന വിമാനക്കമ്പനികൾക്കെതിരെ കേന്ദ്രസർക്കാർ ഇടപെടണമെന്നും യോഗം ആവശ്യപ്പെട്ടു.

നാഷണൽ ലീഗ് (വഹാബ് വിഭാഗം) സംസ്ഥാന ഓർഗനൈസിംഗ് സെക്രട്ടറി എൻ.കെ. അബ്ദുൾ അസീസ് യോഗം ഉദ്ഘാടനം ചെയ്തു. എൻ.പി.എൽ. സംസ്ഥാന പ്രസിഡൻ്റ് ബഷീർ അഹമ്മദ് ബേപ്പൂർ അദ്ധ്യക്ഷത വഹിച്ചു. മുൻമുഖ്യമന്ത്രി വി.എസ്. അച്യുതാനന്ദൻ്റെ നിര്യാണത്തിൽ യോഗം അനുശോചനം രേഖപ്പെടുത്തി.

സാലിം ബേക്കൽ, സലീം പാടത്ത്, മുഹമ്മദ് മാസ്റ്റർ, മുഹമ്മദലി മഞ്ചേരി, ജാഫർ മേടപ്പിൽ, റാഫി രാമനാട്ടുകര തുടങ്ങിയവർ പ്രസംഗിച്ചു.

ഈ വാർത്തയെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കുക.

Article Summary: National Pravasi League urges faster pension processing and airfare regulation.

#PravasiPension #KeralaNews #ExpatriateRights #AirfareRegulation #NationalPravasiLeague #Kasargod