Legal Ruling | പൊസോട്ട് മുഹ്‌യുദ്ദീൻ ജുമാ മസ്ജിദിൽ സയ്യിദ് മുഈനുദ്ദീൻ തങ്ങൾക്ക് മുതവല്ലിയായി ചുമതലയിൽ തുടരാം; ട്രൈബ്യൂണൽ വിധി റദ്ദാക്കി ഹൈകോടതി

മഞ്ചേശ്വരം: (KasargodVartha) ജില്ലയിലെ പുരാതന പള്ളികളിലൊന്നായ പൊസോട്ട് മുഹ്‌യുദ്ദീൻ ജുമാ മസ്ജിദിന്റെ ഭരണവുമായി ബന്ധപ്പെട്ട് ഉണ്ടായ തർക്കത്തിൽ ഹൈകോടതി നിർണായക വിധി പുറപ്പെടുവിച്ചു. മസ്ജിദിൽ നടന്നതായി ആരോപിക്കപ്പെടുന്ന സാമ്പത്തിക ക്രമക്കേട് അന്വേഷിച്ച വഖഫ് ബോർഡ് മുതവല്ലിയെ നിയമിച്ച തീരുമാനത്തെ ട്രൈബ്യൂണൽ കോടതി റദ്ദാക്കിയെങ്കിലും, ഹൈകോടതി ഈ വിധി റദ്ദാക്കുകയും വഖഫ് ബോർഡിന്റെ തീരുമാനം ശരിവയ്ക്കുകയും ചെയ്തു. 

മഹല്ല് നിവാസികളായ അബ്‌ദുർ റഊഫ്, മൊയ്‌തീൻ കുഞ്ഞി എന്നിവർ നൽകിയ പരാതിയിൽ മുൻ  ഭരണസമിതിക്കെതിരെ വൻ സാമ്പത്തിക ക്രമക്കേടാണ് ആരോപിച്ചിരുന്നത്. പള്ളി പുതുക്കി പണിതതിനു ശേഷമുള്ള കണക്കുകളിലും വ്യാപകമായ ക്രമക്കേട് നടന്നതായി പരാതിയിൽ ചൂണ്ടിക്കാട്ടിയിരുന്നു. 

വഖഫ് ബോർഡ് നടത്തിയ അന്വേഷണത്തിനൊടുവിലാണ് മുതവല്ലിയെ നിയമിക്കാനുള്ള തീരുമാനം എടുത്തത്. എന്നാൽ, ഭരണസമിതി ഇതിനെ ചോദ്യം ചെയ്ത് ട്രൈബ്യൂണൽ കോടതിയെ സമീപിക്കുകയായിരുന്നു. ഇത് തള്ളിക്കൊണ്ടാണ് ഹൈകോടതി വഖഫ് ബോർഡിന്റെ നടപടികൾക്ക് നിയമസാധുത നൽകിയത്. ഹൈകോടതിയുടെ വിധിയുടെ അടിസ്ഥാനത്തിൽ, പൊസോട്ട് ജുമാ മസ്ജിദിന്റെ മുതവല്ലിയായി വഖഫ് ബോർഡ് ചുമതലപ്പെടുത്തിയ അഡ്വ. സയ്യിദ് മുഈനുദ്ദീൻ തങ്ങൾ പദവിയിൽ തുടരും.

#PosottMasjid, #SyedMuneeruddeen, #WakfBoard, #KeralaCourt, #LegalDecision, #Mutavalli