സ്വാതന്ത്ര്യ ദിനത്തില്‍ പോപുലര്‍ ഫ്രണ്ടിന്റെ ഫ്രീഡം മീറ്റ്

കാസര്‍കോട്: 'സ്വാതന്ത്ര്യത്തിന്റെ കാവലാളാവുക' എന്ന സന്ദേശമുയര്‍ത്തി ആഗസ്റ്റ് 15ന് പോപുലര്‍ ഫ്രണ്ട് ഓഫ് ഇന്ത്യ ദേശവ്യാപകമായി ഫ്രീഡം മീറ്റ് സംഘടിപ്പിക്കുന്നു. ഇതിന്റെ ഭാഗമായി ജില്ലയില്‍ പരപ്പ, ചെര്‍ക്കള, കുമ്പള എന്നിവിടങ്ങളില്‍ സ്വാതന്ത്ര്യദിന റാലിയും പൊതുസമ്മേളനവും നടത്തുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു.

പരപ്പയില്‍ ജില്ലാ പ്രസിഡന്റ് കെ. അബ്ദുല്‍ ലത്തീഫ് ഉദ്ഘാടനം ചെയ്യും. മഷ്ഹൂദ് കണ്ണൂര്‍ മുഖ്യപ്രഭാഷണം നടത്തും. ചെര്‍ക്കളയില്‍ പോപുലര്‍ ഫ്രണ്ട് സംസ്ഥാന എക്‌സിക്യൂട്ടീവ് കൗണ്‍സില്‍ അംഗം ടി.വി. മൊയ്തു ഉദ്ഘാടനം ചെയ്യും. റഫീഖ് എം.ടി.പി. മുഖ്യപ്രഭാഷണം നടത്തും. കുമ്പളയില്‍ നടക്കുന്ന പരിപാടി ജില്ലാസെക്രട്ടറി ടി. ആഷിഫ് ഇബ്രാഹിം ഉദ്ഘാടനം ചെയ്യും. സി.എം. നസീര്‍ കണ്ണൂര്‍ മുഖ്യപ്രഭാഷണം നടത്തും.

മൂന്ന് കേന്ദ്രങ്ങളിലും വൈകുന്നേരം 4.30ന് ദേശീയ പതാകയേന്തി സ്വതന്ത്ര്യദിന റാലിയും അഞ്ച് മണിക്ക് ദേശീയ ഗാനത്തോടുകൂടി പൊതുയോഗവും ഉണ്ടാകും.

വാര്‍ത്താ സമ്മേളനത്തില്‍ പോപുലര്‍ ഫ്രണ്ട് ജില്ലാ പ്രസിഡന്റ് കെ. അബ്ദുല്‍ ലത്തീഫ്, കുമ്പള ഏരിയ പ്രസിഡന്റ് കെ.എ. അബ്ദുല്‍ ലത്തീഫ്, കാസര്‍കോട് ഏരിയ സെക്രട്ടറി പി.എ. മഹ്മൂദ്, നീലേശ്വരം ഏരിയ പ്രസിഡന്റ് അഷ്‌റഫ് തൈക്കടപ്പുറം എന്നിവര്‍ സംബന്ധിച്ചു.

Also read:
കൂടുതല്‍ സ്വാതന്ത്ര്യം വേണമെന്ന് സുപ്രീംകോടതിയില്‍ സി.ബി.ഐയുടെ സത്യവാങ്മൂലം
Keywords:  Popular Front of India, Independence Day, Press Meet, Press Conference, Freedom Meet, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.