പൂച്ചക്കാട് കോഴിവണ്ടി അപകടം: ഡ്രൈവർക്കും സഹായിക്കും പരിക്ക്, നിരവധി കോഴികൾ ചത്തു

ബേക്കൽ: (KasargodVartha) പള്ളിക്കര പൂച്ചക്കാട് കെഎസ്ടിപി റോഡിൽ കോഴിവണ്ടി കലുങ്കിലിടിച്ച് ഡ്രൈവർക്കും സഹായിക്കും പരിക്കേറ്റു. ഈ അപകടത്തിൽ നിരവധി കോഴികൾ ചത്തു.

പൂച്ചക്കാട് അരയാൽത്തറയ്ക്ക് സമീപം ഞായറാഴ്ച രാവിലെ ആറുമണിയോടെയാണ് കോഴികളുമായി പോവുകയായിരുന്ന പിക്കപ്പ് വാൻ അപകടത്തിൽപ്പെട്ടത്.

അപകടത്തിൽ തമിഴ്നാട് സ്വദേശിയായ ഡ്രൈവർ സെൽവന് (38) സാരമായി പരിക്കേറ്റു. സഹായിക്ക് ഗുരുതരമായ പരിക്കുകളില്ല. നാട്ടുകാരും വിവരമറിഞ്ഞെത്തിയ പൊലീസും ചേർന്ന് വാഹനത്തിൽ കുടുങ്ങിയ ഇരുവരേയും പുറത്തെടുത്ത് കാഞ്ഞങ്ങാട് ജില്ലാ ആശുപത്രിയിൽ എത്തിച്ചു. പിന്നീട് സെൽവനെ പരിയാരം കണ്ണൂർ മെഡിക്കൽ കോളേജിലേക്ക് മാറ്റി.

അപകടത്തെ തുടർന്ന് പിക്കപ്പിന്റെ മുകളിൽ ഉണ്ടായിരുന്ന കോഴിക്കൂടുകൾ തെറിച്ചുവീണ് നിരവധി കോഴികൾ ചത്തു. തമിഴ്നാട്ടിൽ നിന്ന് മംഗലാപുരത്തേക്ക് കോഴികളെ കൊണ്ടുപോവുകയായിരുന്നു ഈ വാഹനം.

പൂച്ചക്കാട്ടെ ഈ അപകടത്തെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കുക.

Summary: A chicken truck collided with a culvert in Poochakkad, Bekal, injuring the driver and helper. Many chickens being transported from Tamil Nadu to Mangaluru died in the accident that occurred early Sunday morning.

#KeralaAccident, #Poochakkad, #ChickenTruck, #RoadAccident, #Injured, #Bekal