രാഷ്ട്രീയ പാര്‍ട്ടി നേതാക്കളുടെ ഒത്താശയോടെ മണലൂറ്റ് കേന്ദ്രം; പോലീസ് തകര്‍ത്തു

By Web Desk - MainFeb 4, 2019, 16:36 IST

കാസര്‍കോട്: (www.kasargodvartha.com 04.02.2019) രാഷ്ട്രീയ പാര്‍ട്ടി നേതാക്കളുടെ ഒത്താശയോടെ മണലൂറ്റ് കേന്ദ്രം പ്രവര്‍ത്തിക്കുന്നുണ്ടെന്ന രഹസ്യ വിവരം ലഭിച്ചതിന്റെ അടിസ്ഥാനത്തിലെത്തിയ പോലീസ് മണലൂറ്റ് കേന്ദ്രം തകര്‍ത്തു. ജോഡ്ക്കല്ല്, മടന്തൂര്‍ പുഴയിലെ മണലൂറ്റല്‍ കേന്ദ്രമാണ് കുമ്പള സി ഐ കെ പ്രേംസദന്റെ നേതൃത്വത്തിലുള്ള പോലീസ് സംഘം തകര്‍ത്തത്.

അന്യസംസ്ഥാന തൊഴിലാളികളെ ഉപയോഗിച്ചാണ് മണലൂറ്റ് നടത്തിവന്നിരുന്നത്. മണല്‍ അരിച്ചെടുക്കുന്നതടക്കമുള്ള ഉപകരണങ്ങള്‍ ഉപയോഗിച്ച് മണലൂറ്റ് തകൃതിയായി നടന്നുവരുന്നതിനിടെയാണ് പോലീസ് നടപടി സ്വീകരിച്ചത്. നൂറുകണക്കിന് ചാക്കുകളിലാക്കിയ നിലയില്‍ മണല്‍ കണ്ടെടുത്തു.